Novaje śviata budzie pryśviečana rasijskim vajskoŭcam, jakija «harantavali biaśpieku» padčas refierendumu ŭ Krymie, paviedamlajuć siońnia Iźviestija.
16 vieraśnia spaŭniajecca paŭhoda z dnia refierendumu ŭ Krymie, u harantavańni biaśpieki jakoha dziejny ŭdzieł uziali «vietlivyja ludzi» — vajskoŭcy biez apaznavalnych znakaŭ, — paviedamlaje siońnia vydańnie. — Fienomien «vietlivych ludziej» paŭstaŭ paśla abvastreńnia situacyi na paŭdniovym uschodzie Ukrainy. Tady ŭ Krymie źjavilisia ŭzbrojenyja ludzi ŭ vajennaj ekipiroŭcy biez apaznavalnych znakaŭ i błakavali pieramiaščeńni ŭkrainskaj armii na paŭvostravie. Padčas «pramoj linii» prezident Uładzimir Pucin pryznaŭ, što «vietlivyja ludzi» na samaj spravie źjaŭlalisia pradstaŭnikami rasijskich Uzbrojenych sił.
U suviazi z hetym u Dziarždumie prapanavali zasnavać pamiatnuju datu 7 kastryčnika — Dzień vietlivych ludziej. Akurat hety dzień supadaje z dniom narodzinaŭ kiraŭnika Rasii.
Inicyjatyvu prajaviŭ deputat Dziarždumy, člen kamiteta pa abaronie, lidar Rasijskaj partyi piensijanieraŭ za spraviadlivaść Ihar Zotaŭ. Pavodle jaho słoŭ, hetaja inicyjatyva ŭźnikła paśla šmatlikich zvarotaŭ hramadzian, jakija dziakujuć na adras «vietlivych ludziej», jakija adyhrali klučavuju rolu ŭ histaryčnych padziejach «Krymskaj viasny» 2014 hoda.
Ihar Zotaŭ dadaŭ, što hetaje śviata budzie simvalizavać adradžeńnie adzinstva krainy.
«Upeŭnieny, što novaja pamiatnaja data «Dzień vietlivych ludziej» stanie jašče adnym viektaram zachavańnia i pašyreńnia ruskaha śvietu, budzie spryjać vychavańniu ŭ padrastajučaha pakaleńnia duchu patryjatyzmu», — tłumačyć jon.
Ciapier čytajuć
Zorka brejkdansu ź Viciebska atrymaŭ 11 hadoŭ turmy ŭ Kitai. Što zdaryłasia?4
Kamientary