Jeŭrakamisar pa pytańniach pašyreńnia ES i palitycy susiedstva Štefan Fiule ličyć nieabchodnym pačać pieramovy pa pahadnieńni ab svabodnym handli pamiž Mytnym sajuzam i Jeŭrasajuzam.
Pra heta jon zajaviŭ padčas 11-j štohadovaj sustrečy Jałcinskaj jeŭrapiejskaj stratehii ŭ Kijevie.
Padčas trochbakovych kansultacyj RF, Ukrainy i ES, što prajšli ŭ Brusieli 12 vieraśnia, baki damovilisia na hod adterminavać implemientacyju pahadnieńnia ab asacyjacyi ŭ častcy funkcyjanavańnia zony svabodnaha handlu, da 31 śniežnia 2015 hoda.
«Nadyšoŭ čas dla palitykaŭ Jeŭrapiejskaha sajuza nie tolki frahmienty hetaj mazaiki prapanoŭvać, jak heta było zroblena ŭčora ŭ Brusieli, — niachaj heta budzie cełasnaja karcina. My vierym i viedajem, što heta nie pavinna abmiažoŭvacca na nas ci na našych ciapierašnich partniorach», — pryvodzić RIA Novosti vystupleńnie Fiule padčas sustrečy ŭ Kijevie.
«I ja dumaju, što nam usio-taki treba padniać staŭki ŭ hetaj hulni, nadyšoŭ čas, jak mnie zdajecca, dla aficyjnych suviaziaŭ na vysokim uzroŭni supracoŭnictva Jeŭrapiejskaha sajuza ź Jeŭrazijskim — Mytnym — sajuzam: Rasijaj, Biełaruśsiu, Kazachstanam. Taksama ŭ chutkim časie Armienija ŭvojdzie ŭ hulniu. <…> Ja dumaju, što nam treba pačać pieramovy pa pahadnieńni ab svabodnym handli pamiž MS i ES», — zajaviŭ jeŭrakamisar.
Jak paviedamlałasia, implemientacyja zony svabodnaha handlu ŭ miežach dahavora ab asacyjacyi pamiž Ukrainaj i Jeŭrasajuzam adkładziena da 31 śniežnia 2015 hoda. Pra heta, u pryvatnaści, havorycca ŭ sumiesnaj zajavie pa vynikach pieramoŭ ministra zamiežnych spraŭ Ukrainy Paŭła Klimkina, kamisara ES pa pytańniach handlu Kareła de Hiuchta i ministra ekanamičnaha raźvićcia i handlu Rasii Alaksieja Ulukajeva. Pieramovy prajšli 12 vieraśnia ŭ Brusieli.
Ciapier čytajuć
Cichanoŭski: Ja ž nie viedaŭ, što ludzi bajacca pakazvać tvary i bajacca za svaich svajakoŭ! Ja nabivaju huzy sam31
Kamientary