Rasijski aktor Jarmolnik: Bolš nikoli nie budu ŭdzielničać u vybarach
Rasiejski aktor Leanid Jarmolnik, jaki ŭdzielničaŭ u vybarach u Maskoŭskuju haradzkuju dumu ad partyi «Hramadzianskaja platforma», zajaviŭ na pres-kanferencyi, što bolš nikoli nia budzie balatavacca.
Jak adznačyŭ Jarmolnik, kažučy pra hałasavańnie 14 vieraśnia, bolšaj ahidy i bolšaj biessaromnaści ŭ svaim žyćci jon nia bačyŭ.
Jak skazaŭ aktor, jon byŭ śviedkam, jak dapuskalisia «biespakaranyja parušeńni pieradvybarčaj baraćby». «Ja try miesiacy amal pa 2 razy na dzień sustrakaŭsia z vybarcami ŭ dvarach», — adznačyŭ Jarmolnik. — Ja viedaju, što fizyčna ludzi, jakija prychodzili, za redkim vyklučeńniem prahałasavali za mianie. A pieramahła «Adzinaja Rasieja».
Na dumku aktora, vybary z 20-pracentnaj jaŭkaj nielha ličyć sapraŭdnymi.
Pavodle dadzienych Maskoŭskaha harvybarkamu, jaŭka na vybarach u haradzkuju Dumu ŭ niadzielu skłała 21 pracent. Na papiarednich analahičnych vybarach jaŭka skłała bolš za 35 adsotkaŭ.
Staršynia Maskoŭskaha harvybarkamu Valancin Harbunoŭ zajaviŭ, što surjoznych parušeńniaŭ padčas hałasavańnia pa vybarach u Maskoŭskuju haradzkuju dumu nie zafiksavana. Apazycyja i niezaležnyja naziralniki paviedamili ab nazojlivych telefonnych zvankach vybarcam u dzień vybaraŭ, parušeńniach u chodzie chatniaha hałasavańnia, a taksama arhanizacyju tak zvanych «karuselaŭ», kali adny i tyja ž ludzi hałasujuć pa niekalki razoŭ.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana13
Kamientary