Alaksandr Łukašenka 6 kastryčnika sustreŭsia sa staršynioj Vykanaŭčaha kamiteta — vykanaŭčym sakratarom SND Siarhiejem Lebiedzievym. Pra heta paviedamlaje pres-słužba prezidenta.
Alaksandr Łukašenka źviarnuŭ uvahu na toje, što Minsk u bližejšy čas žyvie bujnymi palityčnymi padziejami: na hetym tydni płanujecca naviedvańnie Biełarusi z aficyjnym vizitam prezidenta Turkmienistana, a taksama praviadzieńnie pasiadžeńniaŭ Savieta kiraŭnikoŭ dziaržaŭ SND i Vyšejšaha Jeŭrazijskaha ekanamičnaha savieta na ŭzroŭni kiraŭnikoŭ dziaržaŭ.
Kažučy pra samit SND, kiraŭnik Biełarusi padkreśliŭ, što heta vielmi adkaznaje mierapryjemstva, bo SND pieražyvaje składany, pierałomny pieryjad. «U suviazi z hetym vielmi važnyja buduć sustrečy i rašeńni, jakija, moža być, i nie buduć farmalizavanyja ŭ Minsku, ale buduć ahavoranyja mnohija prablemy», — skazaŭ kiraŭnik dziaržavy.
Paradak dnia samitu SND naličvaje 17 pytańniaŭ, jakija tyčacca palityčnaha supracoŭnictva, umacavańnia biaśpieki na prastory Sadružnaści, uzajemadziejańnia ŭ humanitarnaj śfiery.
Alaksandr Łukašenka dadaŭ, što samity nieabchodna pravieści hodna, «jak heta i było ŭ minuły raz, kab usie zastalisia zadavolenyja pracaj u Minsku».
U svaju čarhu Siarhiej Lebiedzieŭ adznačyŭ, što ŭsie pytańni paradku dnia hłyboka prapracavanyja. Jon taksama źviarnuŭ uvahu na vialikuju zładžanaść pracy ŭsich struktur, jakija adkazvajuć za padrychtoŭku sustreč na vyšejšym uzroŭni ŭ biełaruskaj stalicy.
Ciapier čytajuć
«Chaču ŭziać intervju» — «Nie» — «Davajcie ja vas sfatahrafuju» — «Nie». Bialacki raskazaŭ pra sustreču ŭ kałonii z Pratasievičam1
Kamientary