Fizičnym asobam zabaroniena ŭvozić u Biełaruś fiejervierki i inšyja piratechničnyja vyraby, navat kali jany pryznačanyja vyklučna dla asabistaha karystańnia.
Takoje abmiežavańnie zamacavana ŭ zakanadaŭstvie i raspaŭsiudžvajecca na lubyja sproby pierasiačeńnia miažy z padobnym tavaram.
Piratechničnyja vyraby adniesieny da katehoryi «śpiecyfičnych tavaraŭ» i źjaŭlajucca abjektami ekspartnaha kantrolu. Akramia taho, zhodna z Rašeńniem Savieta Jeŭrazijskaj ekanamičnaj kamisii № 107, fiejervierki nie ŭvachodziać u pieralik tavaraŭ dla asabistaha karystańnia, jakija dazvolena ŭvozić fizičnym asobam.
Kali hramadzianin zrobić sprobu niezakonna ŭvieźci piratechniku na terytoryju Biełarusi, jamu pahražaje administracyjnaja adkaznaść. Sankcyi praduhledžany častkaj 1 artykuła 15.5 Kodeksa Respubliki Biełaruś ab administracyjnych pravaparušeńniach.
Uvoz piratechničnych vyrabaŭ dapuskajecca vyklučna dla jurydyčnych asob i indyvidualnych pradprymalnikaŭ. Pry hetym nieabchodnaja najaŭnaść usich patrabavanych dazvolnych dakumientaŭ i strohaje zachavańnie paradku pieramiaščeńnia tavaraŭ, ustanoŭlenaha dla subjektaŭ haspadarańnia.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia10
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
Kamientary