Siońnia futboł: biełaruskich fanataŭ masava sadžajuć na sutki
«Užo jość nie adzin vypadak, kali ludziej zabirajuć z doma/pracy … Zabirajuć prosta tak… My tolki pryjedziem, raśpišyciesia i pajedziecie, kažuć milicyjaniery. Pa vyniku dajuć 10 sutak…
I prychodziać nie tolki z ranicy, jak zvyčajna, ale i poźnim viečaram! Budźcie aściarožnyja!», — piša ultras-supołka Ukantakcie «Siabry INFO».
Dakładna viadoma pra zatrymańnie Jaŭhiena Adziarychi, adnaho z aktyŭnych pradstaŭnikoŭ «B-12», fanackaha siektara zbornaj Biełarusi. 6 kastryčnika jaho asudzili na 7 sutak aryštu. To bok, jon prapuścić nie tolki hulniu z Ukrainaj, ale z Słavakija.
«Viadoma, što heta nie adziny vypadak», — piša sajt belultras.by.
Na minułym tydni fanaty zbornaj Biełarusi paabiacali na hulni pierformans u znak salidarnaści z ukrainskim narodam. Pierad hulnioj byli vypuščanyja mahnity i stykiery z Pahoniaj i Tryzubcam i nadpisami «Brati nazavždi. Braty nazaŭsiody».
Taksama prychodziać paviedamleńni, što nie ŭsie fanaty zbornaj Ukrainy mohuć trapić u Biełaruś na futboł. Niekatorym ź ich užo pastavili ŭ pašparty štampiki ab zabaronie na ŭjezd na terytoryju Biełarusi.
Intryhaj viečara ž zastajecca, ci vykanajuć u Barysavie fanaty chit pra Pucina. Pačatak hulni a 21:45.
Kamientary