Śpiavačka Rusia stała achviaraj biełastockaha rabaŭnika
«Skraści jamu ničoha nie ŭdałosia dziakujučy majmu mocnamu hołasu i dobrym ludziam, jakija pryjšli na dapamohu», – paviedamiła Rusia:
- Uviečary viartałasia dadomu z kramy. I voś napaŭ na mianie mužčyna, chacieŭ zabrać torbu, hrošy – abrabavać. Ludzi na vulicy źviarnuli na heta ŭvahu i dapamahli. Niahledziačy na pajezdki ŭ špital i pastarunak, usio skončyłasia dobra. Siońnia pajedu dadomu, bo dziasiataha ŭ nas u Miensku kancert z «Shuma». U Biełastoku takija dobrazyčlivyja ludzi, nichto nie prajšoŭ mima. Niejki biełastocki mužčyna pabieh za hetym bandytam, schapiŭ jaho ŭ parku i dapamoh palicyi zabrać jaho ŭ pastarunak, tak što ciapier maju niejkaha tajemnaha biełastockaha «samuraja», jaki mianie abaraniŭ.
Užo siońnia śpiavačka źjazdžaje ź Biełastoka, adnak jana adznačyła, što, akramia niepryjemnaha načnoha incydentu z rabaŭnikom, u jaje zastanucca tolki dobryja ŭražańni ad horada.
Jak paviedamiŭ pradstaŭnik pres-słužby padlašskaj palicyi Andžej Baranoŭski, rabaŭnik zatrymany.
Rusia była ŭ składzie hurta «Indyha» pryznanaha pieramožcam fiestyvalu «Basovišča» (2003), a na cyrymonii «Rok-Karanacyja-2005″ atrymała status «rok-kniazioŭny».
U 2011 zasnavała ŭłasny solny prajekt «Shuma», u jakim narodnyja śpievy spałučajucca z elektronnaj muzykaj.
Kamientary