U Biełarusi płata za aciapleńnie ŭ siarednim składzie 90 tys. rubloŭ u miesiac. Pra heta na pres-kanfierencyi 13 kastryčnika ŭ Minsku paviedamiŭ načalnik upraŭleńnia žyllovaj haspadarki Ministerstva žyllova-kamunalnaj haspadarki Andrej Ramaška.
«Apłata koštu ciepłavoj enierhii budzie zaležać ad spažytaj kolkaści. Na siońnia dla nasielnictva taryf składaje kala 90 tysiač za adnu Hkał. Žyłyja pamiaškańni — dvuchpakajovyja ci trochpakajovyja — spažyvajuć u miesiac da adnoj Hkał. Adpaviedna stolki i składzie apłata», — skazaŭ Ramaška.
Jon zaznačyŭ, što ŭzrovień kampiensacyi nasielnictvam apłaty kamunalnych pasłuh na siońnia składaje prykładna 30%, da kanca hoda jaho płanujecca pavialičyć da 35%. «Heta adbyvajecca nie za košt rezkaha rostu taryfaŭ, a tamu, što pravodzicca pastajannaja praca pa skaračeńni zatrat na akazańnie kamunalnych pasłuh», — skazaŭ načalnik upraŭleńnia. Pry hetym jon padkreśliŭ, što «rost taryfaŭ stroha rehłamientavany i piać dołaraŭ u hod raźmiarkoŭvajucca raŭnamierna pa hodzie i pa vidach pasłuh». «Techabsłuhoŭvańnie ŭ hetym maje niaznačny ŭkład», — skazaŭ śpiecyjalist.
«Rezkaha pavyšeńnia taryfaŭ ŽKH u Biełarusi nie pradbačycca. Taksama nie płanujecca pierahladać normy dyfierencyjalnaj apłaty spažytaj vady i elektraenierhii», — paviedamiŭ Ramaška.
Kamientary