У Беларусі плата за ацяпленне ў сярэднім складзе 90 тыс. рублёў у месяц. Пра гэта на прэс-канферэнцыі 13 кастрычніка ў Мінску паведаміў начальнік упраўлення жыллёвай гаспадаркі Міністэрства жыллёва-камунальнай гаспадаркі Андрэй Рамашка.
«Аплата кошту цеплавой энергіі будзе залежаць ад спажытай колькасці. На сёння для насельніцтва тарыф складае каля 90 тысяч за адну Гкал. Жылыя памяшканні — двухпакаёвыя ці трохпакаёвыя — спажываюць у месяц да адной Гкал. Адпаведна столькі і складзе аплата», — сказаў Рамашка.
Ён зазначыў, што ўзровень кампенсацыі насельніцтвам аплаты камунальных паслуг на сёння складае прыкладна 30%, да канца года яго плануецца павялічыць да 35%. «Гэта адбываецца не за кошт рэзкага росту тарыфаў, а таму, што праводзіцца пастаянная праца па скарачэнні затрат на аказанне камунальных паслуг», — сказаў начальнік упраўлення. Пры гэтым ён падкрэсліў, што «рост тарыфаў строга рэгламентаваны і пяць долараў у год размяркоўваюцца раўнамерна па годзе і па відах паслуг». «Тэхабслугоўванне ў гэтым мае нязначны ўклад», — сказаў спецыяліст.
«Рэзкага павышэння тарыфаў ЖКГ у Беларусі не прадбачыцца. Таксама не плануецца пераглядаць нормы дыферэнцыяльнай аплаты спажытай вады і электраэнергіі», — паведаміў Рамашка.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары