Premjer-ministr Ukrainy Arsień Jacaniuk prahnazuje abstalavańnie miažy z Rasijaj na praciahu 3 hadoŭ.
Pra heta jon zajaviŭ žurnalistam 15 kastryčnika paśla ahladu abstalavanaha ŭčastka miažy pobač ź mižnarodnym aŭtamabilnym punktam propusku «Hoptaŭka» Charkaŭskaj vobłaści.
Jacaniuk nazvaŭ uschodniuju miažu Ukrainy ŭschodniaj miažoj Jeŭrapiejskaha Sajuza.
«Kamu nie padabajecca nazva prajekta «Ściana», možacie nazyvać jaho «Jeŭrapiejski vał», — skazaŭ Jacaniuk.
Jon adznačyŭ, što abstalavańnie miažy pieraśleduje 6 metaŭ.
U pryvatnaści, jano nieabchodna dla prypynieńnia nielehalnaj mihracyi, dyviersijnych hrup, kantrabandy, pieramiaščeńnia zbroi i radyjoaktyŭnych materyjałaŭ.
«I šostaje, i asnoŭnaje: kali niama miažy, to biaźvizavaha režymu ź Jeŭrapiejskim Sajuzam nichto nie daść. Kali niama miažy, to pytańni siabroŭstva Ukrainy ŭ Paŭnočnaatłantyčnym sajuzie taksama niemahčyma vyrašyć», — dadaŭ premjer-ministr.
Jon padkreśliŭ, što heta — pieršaja linija abarony:
«Takoje ŭładkavańnie dziaržaŭnaj miažy praduhledžvaje farmiravańnie pieršaj linii abarony. Jano taksama vykonvaje vajennuju funkcyju. Dla taho, kab strymlivać ahresiju praciŭnika. Viadoma, paśla pieršaj linii abarony pavinny być rehularnyja vojski i armija».
Kamientary