Прэм'ер-міністр Украіны Арсень Яцанюк прагназуе абсталяванне мяжы з Расіяй на працягу 3 гадоў.
Пра гэта ён заявіў журналістам 15 кастрычніка пасля агляду абсталяванага ўчастка мяжы побач з міжнародным аўтамабільным пунктам пропуску «Гоптаўка» Харкаўскай вобласці.
Яцанюк назваў усходнюю мяжу Украіны ўсходняй мяжой Еўрапейскага Саюза.
«Каму не падабаецца назва праекта «Сцяна», можаце называць яго «Еўрапейскі вал», — сказаў Яцанюк.
Ён адзначыў, што абсталяванне мяжы пераследуе 6 мэтаў.
У прыватнасці, яно неабходна для прыпынення нелегальнай міграцыі, дыверсійных груп, кантрабанды, перамяшчэння зброі і радыёактыўных матэрыялаў.
«І шостае, і асноўнае: калі няма мяжы, то бязвізавага рэжыму з Еўрапейскім Саюзам ніхто не дасць. Калі няма мяжы, то пытанні сяброўства Украіны ў Паўночнаатлантычным саюзе таксама немагчыма вырашыць», — дадаў прэм'ер-міністр.
Ён падкрэсліў, што гэта — першая лінія абароны:
«Такое ўладкаванне дзяржаўнай мяжы прадугледжвае фарміраванне першай лініі абароны. Яно таксама выконвае ваенную функцыю. Для таго, каб стрымліваць агрэсію праціўніка. Вядома, пасля першай лініі абароны павінны быць рэгулярныя войскі і армія».
Цяпер чытаюць
Качанава прапанавала ўвесці адказнасць за «няпраўду ў тыктоку»14
Каментары