«Łukašenka skazaŭ, što jamu patrebnyja dźvie hadziny, kab pačać volna razmaŭlać pa-biełarusku»
Staršynia Sajuza biełaruskich piśmieńnikaŭ Barys Piatrovič raskazaŭ pra sustreču z kiraŭnikom dziaržavy.
Siońnia adbyłasia sustreča kiraŭnika krainy Alaksandra Łukašenki ź piśmieńnikami. Udzielničali jak pradstaŭniki aficyjnaha, hetak i nieaficyjnaha Sajuzaŭ piśmieńnikaŭ, Biełaruski PEN-Centr pradstaŭlaŭ Andrej Chadanovič.
My parazmaŭlali z staršynioj Sajuza biełaruskich piśmieńnikaŭ Barysam Piatrovičam ab vynikach sustrečy:
«Hetaja sustreča płanavałasia jašče viasnoj, tady ŭ prezidenta nie było času. Dobra, što jana adbyłasia ciapier. Vielmi važna, što na jaje byli zaprošanyja i pradstaŭniki našaha sajuza, a taksama PEN-Centra, nas prymali na roŭnych umovach. Byli vykazanyja nabalełyja momanty, ja spadziajusia, što našy mierkavańni byli pačutyja».
Spadar Piatrovič kaža, što taksama atrymaŭ mahčymaść vykazacca na sustrečy. «Ja havaryŭ navat nie stolki pra litaraturu, kolki pra biełaruskuju movu. Taja situacyja, jakaja zaraz utvaryłasia ź biełaruskaj movaj, nie moža nie vyklikać zaniepakojenaści.
Vielmi dobra, što z boku vyšejšaha kiraŭnictva prahučała prapanova pavialičyć kolkaść hadzin biełaruskaj movy ŭ škołach. Ale hetaha mała. Tolki hetym nie dabješsia viedańnia movy. Ja vykazaŭ spadziavańnie, što škoł ź biełaruskaj movaj vykładańnia ŭsich pradmietaŭ paboleje ŭ krainie. I nie tolki ŭ viaskovaj miascovaści, ale i ŭ haradach. Jašče važna, kab vypuskniki biełaruskamoŭnych škołaŭ mieli mahčymaść praciahnuć adukacyju ŭ VNU pa-biełarusku. Na siońnia ž u krainie nie isnuje nivodnaha ŭniviersiteta, dzie vykładańnie całkam by viałosia na biełaruskaj movie».
Ci razmaŭlaŭ na sustrečy Łukašenka na biełaruskaj movie? «Tak, jon jaje ŭžyvaŭ u razmovie. A jašče ad jaho prahučała, što jon moža volna i spakojna pierajści na biełaruskuju movu, dla hetaha jamu patrebnyja dźvie hadziny parazmaŭlać na joj z surazmoŭcam».
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami44
Kamientary