Pieramovy ab spraščeńni vizavaha režymu pamiž Biełaruśsiu i ES projduć na nastupnym tydni
Pra heta žurnalistam paviedamiŭ dyrektar departamienta Rasii, Uschodniaha partniorstva, Centralnaj Azii, rehijanalnaha supracoŭnictva i ABSIE Jeŭrapiejskaj słužby źniešnich dziejańniaŭ Hunar Vihand.
Nahadajem, 23 kastryčnika na bryfinhu pres-sakratar MZS Biełarusi Dźmitryj Mirončyk zajaviŭ, što biełaruski bok spadziajecca ŭ chutkim časie atrymać adkaz na prapanovy pa pahadnieńniach ab ablahčeńni vizavaha režymu i readmisii.
Jon adznačyŭ, što hetyja prapanovy byli abnarodavanyja jašče ŭ červieni, kali adbyŭsia pieršy raŭnd kansultacyj pa hetym pytańni. «Jany razhladajucca bakami, i spadziajemsia, što ŭ chutkim časie atrymajem adkaz ad našych jeŭrapiejskich partnioraŭ, spadziajemsia, adkaz budzie stanoŭčym», — skazaŭ Mirončyk.
Pradstaŭnik MZS padkreśliŭ, što
pazicyja Biełarusi zastajecca niaźmiennaj: biełaruskija hramadzianie pavinny mieć takija ž umovy atrymańnia šenhienskich viz, jak i hramadzianie inšych krain Uschodniaha partniorstva.
Na prośbu žurnalistaŭ bolš padrabiazna raskazać pra biełaruskija prapanovy Mirončyk skazaŭ: «My ŭstrymlivajemsia ad publičnaha razhladu tych kankretnych prapanoŭ, jakija źjaŭlajucca pradmietam dypłamatyčnych pieramoŭ. My pracujem za stałom pieramoŭ, a nie karystajemsia tak zvanaj miehafonnaj dypłamatyjaj».
Jak paviedamlała BiełaPAN raniej krynica ŭ Jeŭrakamisii, blizkaja da pieramoŭnaha pracesu, na pieramovach u červieni z boku Biełarusi prahučała prapanova dazvolić dypłamatam i členam aficyjnych delehacyj padčas vizitaŭ naviedvać ES pa dypłamatyčnych pašpartach. «Ciapier u vypadku zaprašeńnia na sustreču biełaruskija dypłamaty pavinny taksama atrymać vizu. Prapanoŭvajecca dazvolić im ujezd pa dypłamatyčnym pašparcie», — adznačaŭ pradstaŭnik Jeŭrakamisii.
U toj ža čas surazmoŭca padkreśliŭ, što ciapierašni mandat na praviadzieńnie ź Biełaruśsiu pieramoŭ pa spraščeńni vizavaha režymu, vydadzieny ŭ 2012 hodzie, nie dazvalaje abmiarkoŭvać pytańni adnosna spraščeńnia ŭjezdu ŭ ES biełaruskich hramadzian pa dypłamatyčny pašpartach.
Krynica tady źviarnuła ŭvahu, što rašeńnie pa hetym pytańni «budzie prymacca z ulikam raźvićcia situacyi ŭ krainie i acenki źmienaŭ, kali takija buduć».
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary