Ad usiaho serca vinšuju vas sa śvietłym śviatam Naradžeńnia Chrystova!
Apostał Pavał u Pieršym Pasłańni da Cimafieja 3 hł. 16 st. piša: «I sapraŭdy — vialikaja jość tajamnica pabožnaści: Boh źjaviŭsia ŭ ciele…»
Boh, Jaki źjaŭlajecca Tvorcam usiaho bačnaha i niabačnaha, Jaki stvaryŭ čałavieka, raptam sam stanovicca čałaviekam. Bohačałaviekam. Navošta? «Kali ž dzieci stalisia supolnikami kryvi i cieła, dyk i Jon taksama supolnik ich, kab praź śmierć źniščyć taho, jaki maje ŭładu śmierci, heta značyć djabła, i zbavić tych, jakija ad strachu śmierci praz usio žyćcio byli addadzieny pad uładu rabstvu» (Pasłańnie da Hiebrajaŭ 2:14‑15).
My nie vybirali svoj dzień naradžeńnia, ad nas nie zaležaŭ fakt našaha źjaŭleńnia na śviet. Ale Isus Chrystos užo isnavaŭ, padzialajučy słavu Niabiesnaha Ajca. I kab ažyćciavić adkupleńnie čałaviečaha rodu, Jon pavinien byŭ stacca čałaviekam. Ujavicie sabie hetuju vializnuju roźnicu pamiž bahaćciem Niabiosaŭ i złybiedaj ziamli; pamiž znachodžańniem u atmaśfiery absalutnaje lubovi i aniolskaha pasłuchmianstva i znachodžańniem siarod złych i biezzakonnych ludziej; pamiž čaroŭnym cichamirnym niabiesnym supakojem i tužlivym čakańniem pakutnickaj śmierci. Chrystos dobraachvotna pakidaje pieršaje i vybiraje druhoje. U hetym i zaklučajecca hłybinia lubovi našaha Hospada, vielič vyjaŭlenaj da nas Jahonaj łaski. Heta niezrazumieła našamu rozumu, tut sapraŭdy tajamnica. Tajamnica bohaŭciełaŭleńnia, tajamnica Rastva, tajamnica źjaŭleńni Dziciaci ŭ Dzievy Maryi.
Kab prynieści nam zbaŭleńnie, Jon pryjšoŭ na hrešnuju ziamlu. Jon naradziŭsia, kab dapamahčy tabie, darahi chryścijanin, kab tvaje i maje prablemy ŭziać na Siabie, kab tvaje i maje hrachi prybić da kryža. Chiba heta nie padstava dla radaści?!
Sa śviatam vas, darahija braty i siostry!
Z Naradžeńniem Hospada našaha Isusa Chrysta!
Z nadychodziačym 2008 hodam!
Božych dabrasłavieńniaŭ vam i vašym siemjam!
Z pažadańniami ŭsiaho najlepšaha i malitvaj ab vas,
Ciapier čytajuć
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»6
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary