U mastackim muzei imia Maślenikava školnikam pakazvajuć historyju naradžeńnia Chrysta i viasiołyja intermedyi.
U mastackim muziei imia Maśleńnikava školnikam pakazvajuć historyju naradžeńnia Chrysta i viasiołyja intermiedyi.
Sapraŭdnaja batlejka, jakaja vandravała pa mahiloŭkim haradam i vioskam u XIX stahodździ, ciapier zachoŭvajecca ŭ Rasii. Za minułym časam hety kaštoŭny ekspanat trapiŭ u Dziaržaŭny muziej etnahrafii ŭ Sankt‑Pieciarburhu.
Biełaruskija mastaki Alena Ivančanka i Michaił Šepielenka zrabili dakładnuju kopiju toj batlejki, i ciapier mahiloŭcy mohuć na svaje vočy paznajomicca sa staražytnym lalečnym teatram. Vialikaja skrynia z kaladnaj zorkaj uviersie i dvuma pavierchami, nasielenymi lalkami, adroźnivajecca ad muziejnaha ekspanata tolki sučasnym aśviatleńniem.
Batlejka stała sioletnim kaladnym prajektam Mahiloŭskaha mastackaha muzieja. Na admysłovych zaniatkach školnikam raskazvajuć historyju batlejki, jakaja pryjšła na Biełaruś u siarednieviečča z Zachodniaj Jeŭropy. Potym pakazvajuć kaladnuju pjesku «Car Irad». Najbolš papularnyja lalki — Maryja i Iosif ź niemaŭlatam Isusam, Anioł i Śmiertka, jakaja rubić hałavu caru Iradu.
Paśla tradycyjnaj kaladnaj historyi ŭ muziei pakazvajuć viasiołyja intermiedyi. Doktar lečyć panienku vielmi aryhinalnymi słoŭnymi paradami ŭ pjescy «Možam vas navučyć, jak panskija chvaroby lačyć». Babula mužna supraćstaić pamknieńniam Niačyścika, jaki ŭ abchod carkoŭnych i narodnych tradycyjaŭ schilaje jaje da pracy ŭ kaladnyja śviaty, u pastanoŭcy «Baba i čort».
— I dzieci, i darosłyja radasna rahočuć z hetych śvieckich batleječnych historyjaŭ, — havorać u muziei. — Tak što tut jany spałučajuć karysnaje i pryjemnaje: atrymlivajuć viedy pra staražytny lalečny teatr i śviata Naradžeńnia Chrystova, dy jašče i zabaŭlajucca.
Mahiloŭskija školniki choziać znajomicca z mahiloŭskaj batlejkaj cełymi kłasami. Kvitok kaštuje 750 rubloŭ.
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ6
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary