Biełaruś i Vjetnam damovilisia raspracavać darožnuju kartu ŭzajemadziejańnia ŭ ekanamičnaj śfiery
Čarhovaje pasiadžeńnie Biełaruska-vjetnamskaj mižuradavaj kamisii pa handlova-ekanamičnym i navukova-techničnym supracoŭnictvie adbyłosia 3-4 śniežnia ŭ Chašyminie, paviedamili ŭ pres-słužbie MZS Biełarusi.
«Baki damovilisia raspracavać darožnuju kartu ŭzajemadziejańnia pamiž Biełaruśsiu i Vjetnamam u ekanamičnaj śfiery na 2016-2018 hady, nakiravanuju na pavieličeńnie tavaraabarotu, dyviersifikacyju namienkłatury pastavak, raźvićcio supracoŭnictva ŭ halinie vysokich technałohij, vytvorčaj kaapieracyi i inviestycyjnaha składnika supracoŭnictva», — raskazali ŭ MZS.
Biełaruskuju delehacyju ŭznačaliŭ namieśnik ministra zamiežnych spraŭ Valancin Rybakoŭ, vjetnamskuju — namieśnik ministra pramysłovaści i handlu Nhujen Kam Tu.
U skład biełaruskaj delehacyi taksama ŭvajšli namieśnik ministra pramysłovaści Alaksandr Aharodnikaŭ, staršynia praŭleńnia Biełkaapsajuza Valeryj Ivanoŭ, staršynia praŭleńnia Biełaruskaj univiersalnaj tavarnaj biržy Arkadź Salikaŭ, namieśnik staršyni Biełaruskaj handlova-pramysłovaj pałaty Viačasłaŭ Bryl, prarektar Biełaruskaha dziaržaŭnaha ŭniviersiteta Alaksiej Toŭścik, pradstaŭniki kiraŭnictva Ministerstva adukacyi, kancerna «Biełdziaržcharčpram», RUP «Nacyjanalny aeraport Minsk», RUP «Biełmiedpreparaty», adkrytych akcyjaniernych tavarystvaŭ «MTZ», «BiełAZ», «MAZ», «Biełšyna» i inšych pradpryjemstvaŭ-eksparcioraŭ.
Akramia taho, na 12-j mižnarodnaj vystaŭcy źniešniaha handlu Vietnam Expo in HoChiMinh City (jakaja prachodzić z 3 pa 6 śniežnia) pradstaŭlena nacyjanalnaja ekspazicyja Biełarusi. Taksama na praviedzienym biełaruska-vjetnamskim biźnies-forumie praviedzieny prezientacyi Biełaruskaj handlova-pramysłovaj pałaty, Biełaruskaj univiersalnaj tavarnaj biržy, Biełkaapsajuza i inšych pradpryjemstvaŭ i arhanizacyj.
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary