Anarchisty praviali ŭ Minsku pikiet suprać «antysacyjalnych inicyjatyŭ uładaŭ»
Anarchisty praviali viečaram 8 śniežnia ŭ Minsku niesankcyjanavany pikiet «suprać antysacyjalnych inicyjatyŭ uładaŭ».
U akcyi ŭdzielničali prykładna paŭtara dziasiatki čałaviek. Pikiet prajšoŭ blizu restarana «Makdonalds», što kala stancyi mietro «Puškinskaja».
Pryblizna ŭ 18.25 maładyja ludzi razharnuli banar «Ułada rabuje narod». Jany zapalili falš-fajery i pačali skandavać: «Vłasť hrabit narod!», «Na zarpłaty dienieh niet — na mientov ušieł biudžiet», «Ot vłastiej tołku niet — zabastovka naš otviet», «Płatiš nałohi — protianieš nohi!» i inšyja.
Padčas akcyi jaje ŭdzielniki razdavali prachožym ulotki.
«Urad płanuje pavialičyć padatak z hramadzian i ŭvieści padatak na biespracoŭnych i pry hetym pavialičvać finansavańnie pravaachoŭnych orhanaŭ, jak heta zapłanavana ŭ biudžecie na 2015 hod. My, anarchisty, vystupajem suprać takoha rabavańnia naroda. Kantralavać i raźmiarkoŭvać biudžet pavinny tyja, chto sapraŭdy pracuje, a nie čynoŭniki, jakim niama spravy da našych prablem», — zajaviŭ u miehafon adzin z udzielnikaŭ akcyi.
Pikiet doŭžyŭsia nie bolš za piać chvilin, nichto zatrymany nie byŭ.
Ciapier čytajuć
Ci zabiare kampjutar vašu pracu i kali robaty pačnuć myć za nas posud? Raspytali ekśpierta pra štučny intelekt1
Kamientary