Анархісты правялі ў Мінску пікет супраць «антысацыяльных ініцыятыў уладаў»
Анархісты правялі вечарам 8 снежня ў Мінску несанкцыянаваны пікет «супраць антысацыяльных ініцыятыў уладаў».
У акцыі ўдзельнічалі прыкладна паўтара дзясяткі чалавек. Пікет прайшоў блізу рэстарана «Макдональдс», што каля станцыі метро «Пушкінская».
Прыблізна ў 18.25 маладыя людзі разгарнулі банар «Улада рабуе народ». Яны запалілі фальш-фаеры і пачалі скандаваць: «Власть грабит народ!», «На зарплаты денег нет — на ментов ушел бюджет», «От властей толку нет — забастовка наш ответ», «Платишь налоги — протянешь ноги!» і іншыя.
Падчас акцыі яе ўдзельнікі раздавалі прахожым улёткі.
«Урад плануе павялічыць падатак з грамадзян і ўвесці падатак на беспрацоўных і пры гэтым павялічваць фінансаванне праваахоўных органаў, як гэта запланавана ў бюджэце на 2015 год. Мы, анархісты, выступаем супраць такога рабавання народа. Кантраляваць і размяркоўваць бюджэт павінны тыя, хто сапраўды працуе, а не чыноўнікі, якім няма справы да нашых праблем», — заявіў у мегафон адзін з удзельнікаў акцыі.
Пікет доўжыўся не больш за пяць хвілін, ніхто затрыманы не быў.
Цяпер чытаюць
Іпэшнік у Мінску пісаў ананімкі на канкурэнтаў, у тым ліку і палітычныя. Зафіксавана 18 эпізодаў3
Каментары