Na partale Tuzin.fm prajšła prezientacyja składanki «Siomy Premjer Tuzin» z najlepšymi chitami 2014 hodu.
Składanka padrychtavanaja pa vynikach chit-paradaŭ 2014 hoda.
Partał vykazvaje padziaku ekśpiertnaj radzie z kiraŭnikoŭ i pradstaŭnikoŭ biełaruskich kłubaŭ u składzie: Andrej Starcaŭ (Re:Public, Minsk), Haryk Ahandžanian («Čierdačok», Viciebsk), Andrej Łazuk («Hrafici», Minsk), Jaŭhien Ahapaŭ (TNT Rock Club, Minsk), Uładzimir Kubyškin (Tarantino, Minsk).
Siomy pa liku «Premjer Tuzin» vyjšaŭ paśla vymušanaha pierapynku ŭ try hady. Za hety čas CD-dyski adžyli svajo, śćviardžaje partał. Ad idej vydańnia na USB-fłešcy ŭ CD-boksie admovilisia jak ad zanadta darahoj. Ale na 12-hodździe partału, što adbudziecca ŭ 2015-ym, «Tuzin» padumvaje ab vydańni lepšych za 12 hod piesień na vinile.
Top-12 piesień siezonu-2014:
- Pieśniary — Kaciarynka maładaja (muzyka Ramana Kozyrava, słovy Viačasłava Šarapava)
- Majtaj — Połymia (muzyka i słovy: Andrej «Taj» Dziarkoŭ)
- Landau feat. Zolki Band – Śniežań (muzyka hurt Landau, słovy f.s.t.)
- Pauline — Pačakaj (muzyka i słovy Palina Cimochina)
- Navi — Nie zasynaj (muzyka i słovy Arcioma Łukjanienki i Ksienii Žuk)
- BosaeSonca — Nieba (muzyka Alesia Kata-Zajcava, słovy Anatola Sysa)
- ZnaROCK&Vožyk — Taciana (muzyka: Vožyk i ZnaROCK, słovy: Vožyk)
- Akute — Naskroź (muzyka: Akute, słovy: Ramana Žyharava)
- Stary Olsa — Ave Maria (muzyka i słovy narodnyja, pierakład na biełaruskuju Źmitra Sasnoŭskaha)
- Haina — Cichi akijan (muzyka Haina, słovy Illi Paploŭki)
- Nizkiz – Huantanama (muzyka Nizkiz, słovy Alaksandra Iljina)
- TonqiXod — Nasypać hory (muzyka TonqiXod, słovy Ŭładzia Lankieviča)
Ciapier čytajuć
Šalona papularnaja minskaja błohierka patraciła na śviatkavańnie dnia naradžeńnia amal $16 tysiač43
Kamientary