Kitajskija ŭłady płanujuć złučyć try nacyjanalnyja darohi ŭ adzin hihancki maršrut vakoł krainy. Jaho daŭžynia składzie kala 27 tysiač kiłamietraŭ, a pa darozie buduć pustynia Takła-Makan, Tybieckaje nahorje, Himałai i ŭsio ŭźbiarežža krainy.
Da 2030 hoda na karcie Kitaja pavinna źjavicca amal zamknionaje darožnaje kalco ŭzdoŭž suchaputnych miežaŭ i marskoha ŭźbiarežža krainy. Jak piša Global Times, prajekt atrymaŭ nazvu «Załatoje źniešniaje kalco» i jaho praciahłaść składzie kala 27 tysiač kiłamietraŭ.
Asnovaj kalca stanuć try nacyjanalnyja darohi, jakija ŭžo isnujuć: pamiežnyja G331 i G219 i prybiarežnaja G228. Zadača zaklučajecca ŭ likvidacyi razryvaŭ na maršrucie.
Paŭnočnaja mahistral G331 pačynajecca ŭ Dańdunie na paŭnočnym uschodzie Kitaja, kala miažy z Paŭnočnaj Karejaj, i ciahniecca prykładna na 9200 kiłamietraŭ da Ałtaja ŭ Sińczianie. U Kitai jaje nazyvajuć «najpryhažejšaj pamiežnaj darohaj». Na jaje šlachu raŭniny, lasy, stepy i hory.
Dalej maršrut praciahvaje G219. Jana prachodzić praz najbujniejšuju pustyniu Kitaja Takła-Makan, padymajecca na Cynchaj-Tybieckaje nahorje, pierasiakaje Himałai i horny rehijon Chenduań. Jana vyłučajecca najbolšymi pierapadami vyšyniaŭ i raznastajnaściu pryrodnych zon.
Jašče adna važnaja arteryja, aŭtastrada G228, idzie ŭzdoŭž bierahavoj linii i źviazvaje ŭsie asnoŭnyja marskija party krainy. Kali ŭsie try častki buduć złučanyja, atrymajecca maršrut, jaki achopić amal uvieś pierymietr krainy.
Nie tolki turystyčny maršrut
Pierśpiektyva prajechać amal vakoł usiaho Kitaja ŭžo zacikaviła miascovych aŭtaturystaŭ i viełasipiedystaŭ. U sacsietkach abmiarkoŭvajuć budučyja pajezdki. Na šlachu buduć zaśniežanyja hory i vysakahornyja płato, stepy, pustyni, trapičnyja lasy, marskoje ŭźbiarežža i histaryčnyja harady.
Adnak «Załatoje kalco» pavinna nie tolki pryciahnuć turystaŭ. Ad jaho čakajuć i bolš praktyčnaha efiektu: raźvićcia addalenych rehijonaŭ, palapšeńnia ich transpartnaj dastupnaści i bolšaj ustojlivaści ŭsioj darožnaj sietki krainy.
Jašče adna zadača prajekta — źviazać unutranyja handlovyja šlachi Kitaja z hłabalnymi rynkami.
Na zachadzie novaja sistema atrymaje vychad da Novaha mižnarodnaha suchaputna-marskoha handlovaha kalidora i hruzavych čyhunačnych maršrutaŭ Kitaj — Jeŭropa, a na ŭschodzie — da mižnarodnych marskich šlachoŭ.
Raźlik u tym, kab abjadnać marskija party, suchaputnyja pamiežnyja pierachody i ŭnutranyja łahistyčnyja centry. Tak kitajskija party na miežach z krainami Centralnaj i Paŭdniova-Uschodniaj Azii stanuć častkaj bolš cełasnaj transpartnaj sietki.
U Kitajskaj asacyjacyi aŭtamabilnaha transpartu nazyvajuć jašče adnu pieravahu takoj sistemy. Kali niejki šlach stanie niedastupny praz stychijnaje biedstva ci inšyja niepradbačanyja abstaviny, hruzy možna budzie pieranakiravać. Heta pavinna zrabić transpartnuju sistemu bolš ustojlivaj da zbojaŭ.
Kiraŭnica asacyjacyi Van Limej źviartaje ŭvahu i na stratehičnaje značeńnie suchaputnych šlachoŭ. Pavodle jaje, hieahrafičnaje stanovišča Kitaja ŭ Jeŭrazii patrabuje asablivaj uvahi da naziemnych transpartnych znosin i mahčymaści mieć vychady ŭ roznych kirunkach.
Ciapier čytajuć
Na Minskim paŭmarafonie pamior 50‑hadovy biahun. Voś što viadoma pra Alaksieja Dašynieviča3
Kamientary
Dajoš bum dorožnoho stroitielstva. Nadiejuś, dorohi potom snosiť nie budut.
U kitajciev vsio tak. S razmachom.
To po prikazu Mao Užie Duna istrieblajut vsiech vorob́jov, a potom vsieobŝij hołod i vorob́jov prichoditsia importirovať iz SSSR. To pieriehiby so stroitielstvom.
Uma u čiełoviečiestva nie pribavlajetsia.