Siarhiej Dubaviec. Ciuciukievič nie vierniecca ŭ Biełaruś
U kansulacie RB adnoj z eŭrapiejskich krain na Ciuciukieviča pahladzieli sa ździŭleńniem i niedavieram. Nazad na PMŽ u Biełaruś?..
Pryhadałasia fraza Stałkiera z adnajmiennaha filmu – «Tut nie viartajucca», a taksama iraničnaja zaŭvaha siabra: «Na takoje moža pajści tolki łazutčyk».
Choć, zdavałasia b, jakoje tut dziva, što hramadzianin RB Ciuciukievič, jaki šmat hadoŭ pracavaŭ za miažoj, vyrašyŭ viarnucca na Radzimu?
Kali stała jasna, što ździŭleńniu konsulskich nia budzie kanca, prośbitu rastłumačyli, što jon pavinien uklučyć prapieler i padrychtavacca da zasilla «čałaviečaha faktaru» na mytniach, miežach i ŭ pašpartnych stałach: za miesiac vyrabić u Biełarusi novy pašpart, a pry tym paprasić, kab časova nie adbirali stary, kab možna było viarnucca i za adzin raz u toj ža miesiac pieravieźci ŭsie svaje rečy, jakija choć i staryja, ale pry tym buduć razhladacca jak tavar, a tamu za ich treba płacić razmytnioŭku… Ilhoty? Nie, nie praduhledžana.
Adhavaryli, karaciej.
A stolki było letuciennych mrojaŭ! Heta ž kali b usie tyja dziasiatki i sotni tysiač biełarusaŭ, samych aktyŭnych i talenavitych, viarnulisia z zamiežžaŭ dadomu, stała b i ŭ nas žyćcio, jak u Londanach-Paryžach, a to j lepiej.
Jany b moža i viarnulisia, ale dakładna nia ŭ hetyja časy.
Uspomniŭ Ciuciukievič mudruju pokazku pra toje, što paśla śmierci biełarus traplaje abo ŭ raj, albo nazad u Biełaruś, dy machnuŭ rukoj: nu choć tak.
-
«Mnie kazali: ty havoryš jak kanadski emihrant». Siarhiej Šupa raskazaŭ pra Vilniu 90-ch, paraŭnańnie litoŭskaj litaratury ź biełaruskaj i adroźnieńni pamiž narodami
-
Łukašenka pavodzić siabie ŭ «makdonaldsie» jak u savieckaj stałoŭcy. I dumaje, što heta kruta
-
Pucin užo pavinšavaŭ Madžtabu Chamieniei, a Łukašenka nie. Čaho čakaje?
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary