Zisier: Vydavać zakony, jakija rehulujuć tolki Bajnet, — usio roŭna što sprabavać utrymać kavałak pavietra ŭ vańnie
«U suviazi z vysokaj papularnaściu ŭ Biełarusi zamiežnych miedyja i viadomymi padziejami vakoł susiedziaŭ Biełarusi ŭstajuć na ŭvieś rost pytańni infarmacyjnaj biaśpieki. Deputacki kłopat pra jaje całkam zrazumieły, i, jak pakazvaje vopyt susiedziaŭ Biełarusi, skidać jaje z rachunkaŭ było b vialikaj pamyłkaj»,
— śćviardžaje zasnavalnik partała tut.by Juryj Zisier.
«Na žal, tekst novaj redakcyi Zakona ab ŚMI pakul niedastupny. Adnak, miarkujučy pa kamientarach žurnalistaŭ, tych, chto čuŭ pramovu ministra infarmacyi, raspracoŭščyki zakona padyšli da prablemy tak, jak byccam nie viedali, što luby zamiežny sajt dastupny lubomu biełarusu naroŭni ź biełaruskim. Vydavać zakony, jakija rehulujuć tolki Bajnet, — usio roŭna što sprabavać utrymać kavałak pavietra ŭ vańnie.
Siońnia tearetyčna lubomu papularnamu ŭ Biełarusi zamiežnamu ŚMI z kantentam na ruskaj abo biełaruskaj movach, lubomu rasijskamu telekanału, «Ruskamu radyjo», jaki viaščaje jak u efiry, tak i praź internet, lubomu papularnamu ŭ Biełarusi zamiežnamu miedyja (naprykład, partałam Mail.Ru ci «Jandeks «) albo ŭ sacyjalnych sietkach mahčyma raźmiaścić u internecie infarmacyju, jakaja supiarečyć nacyjanalnym intaresam Respubliki Biełaruś. Vielmi cikava, jakim čynam Ministerstva infarmacyi skarystajecca novaj redakcyjaj dla rehulavańnia raspaŭsiudžvańnia infarmacyi praź internet Ruskaj słužby BBC, CNN, Euronews, navin na Mail.Ru i «Jandeksie», rasijskich i ŭkrainskich ŚMI, a taksama biełaruskich ŚMI, što mieściacca za miažoj.
Miarkujučy pa ŭsim, naša dziaržava vyrašyła admovicca ad baraćby z tymi, chto sapraŭdy moža patencyjna pahražać infarmacyjnaj biaśpiecy, pajšoŭšy pa zvykłym ablubavanym šlachu: «Bi svaich, kab čužyja bajalisia». Miž tym mocnyja ajčynnyja miedyja — załoh infarmacyjnaj biaśpieki, i zamiest taho, kab rabić bolš žorstkim rehulavańnie biełaruskich internet-miedyja ŭ škodu zamiežnym, lepš by ŭraŭnavali pravy tradycyjnych ŚMI ź internet-miedyja, a nie naadvarot».
Kamientary