Samit ES vykarystaŭ vyraz Rejhana, kab pasłać jasny sihnał Pucinu: «Budziem stajać da kanca»
Lidary Jeŭrasajuza pasłali Maskvie jasnaje papiaredžańnie ŭ vynikovaj zajavie samita ES, što prajšoŭ 19 śniežnia ŭ Bruseli. Dla hetaha jany śviadoma vybrali toj vyraz, jaki ŭ 1982 hodzie ŭžyŭ prezident ZŠA Ronald Rejhan, jaki pravodziŭ kurs na žorstkuju kanfrantacyju z SSSR. ES zajaviŭ, što budzie «stajać da kanca» (stay the course, vyraz z vajennaha leksikona) u doŭhaj kanfrantacyi z Rasijaj, kali Uładzimir Pucin nie vyviedzie svaje vojski z Ukrainy.
«Chopić nam reahavać i abaraniacca. My jak jeŭrapiejcy pavinny adnavić upeŭnienaść u sabie i ŭśviadomić svaju siłu», — zajaviŭ Donald Tusk, jaki staršyniavaŭ na karotkim samicie ES u Bruseli ŭ čaćvier.
Tusk zajaviŭ, što Jeŭropa konča pavinna być adzinaj u pytańni sankcyj suprać Rasii.
«Vidavočna, što my nie znojdziem doŭhačasovaj pierśpiektyvy dla Ukrainy, kali nie budzie adekvatnaj, celnaj i adzinaj stratehii Jes adnosna Rasii», — dadaŭ Tusk.
Na samicie abhavorvalisia taksama ekanamičnyja pytańni. Tuska mocna chvalać zachodnija ŚMI i palityki za toje, što jamu, u adroźnieńnie ad jahonych papiarednikaŭ, udałosia arhanizavać sustreču tak, što jana prajšła za adzin dzień, a nie za dva, jak byvała raniej, pryčym udzielniki nie zasiadzielisia da poźniaj nočy, jak byvała raniej. U pryvatnaści, Tusk pačaŭ sustreču rychtyk u zapłanavany čas, nie čakajučy, pakul u zału źjavicca kancler Aŭstryi Fajman, jaki spaźniaŭsia.
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary