Uviedzieny maratoryj na pavyšeńnie cen, kramy, jakija parušać jaho, buduć zakryty

Urad Biełarusi ŭvioŭ maratoryj na pavyšeńnie cenaŭ na spažyvieckija tavary, a taksama na luboje pavyšeńnie taryfaŭ na pasłuhi naturalnych manapolij i subjektaŭ haspadarańnia, jakija zajmajuć daminujučaje stanovišča na tavarnym rynku.

Jak paviedamiła pres-słužba ŭrada, hetyja miery zamacavanyja ŭ pastanovie Savieta ministraŭ №2017 ad 19 śniežnia 2014 hoda. Rašeńnie pryniata «ŭ metach niedapuščeńnia rostu roźničnych cen i zabieśpiačeńnia ŭnutranaha spažyvieckaha rynku šyrokim asartymientam tavaraŭ».

Kiraŭnikam dziaržaŭnych orhanaŭ i arhanizacyj, jakija ažyćciaŭlajuć dziaržaŭnaje rehulavańnie śfiery vytvorčaści spažyvieckich tavaraŭ, a taksama chołdynhaŭ «Atłant» i «Haryzont» daručana zabiaśpiečyć rost pastavak pradukcyi, što pastaŭlajecca ŭ roźničnuju handlovuju sietku, uklučajučy handlovyja abjekty sistemy spažyvieckaj kaapieracyi biez rostu adpusknych cenaŭ.

«Ličyć nievykanańnie nazvanaha daručeńnia niesumiaščalnym sa znachodžańniem kiraŭnikoŭ hetych orhanaŭ i arhanizacyj na zajmanych pasadach», — havorycca ŭ dakumiencie.

Ministerstvu handlu, Biełkaapsajuzu, abłvykankamam i Minharvykankamu daručana nie dapuskać rostu roźničnych cen na spažyvieckija tavary i zabiaśpiečyć najaŭnaść šyrokaha ich asartymientu ŭ handlovych abjektach, u tym liku internet-handal.

Dziaržaŭnamu mytnamu kamitetu, Ministerstvu ŭnutranych spraŭ pad piersanalnuju adkaznaść ich kiraŭnikoŭ daručana zabiaśpiečyć praviadzieńnie kantrolnych mierapryjemstvaŭ pa spynieńni nielehalnych pastavak tavaraŭ z-za miežaŭ Biełarusi.

U metach kantrolu za vykanańnie pryniatych uradam Biełarusi rašeńniaŭ Minhandlem sumiesna z abłvykankamami i Minharvykankamam buduć pravodzicca paŭsiudnyja pravierki roźničnaha handlovaj sietki, u tym liku internet-kramy, pa vykanańni patrabavańniaŭ ab niedapuščeńni rostu roźničnych cen na spažyvieckija tavary i najaŭnaści ich šyrokaha asartymientu ŭ handlovych abjektach.

«Pry vyjaŭleńni faktaŭ parušeńnia patrabavańniaŭ ŭrada ličyć nievykanańnie

asartymientnaha pieraliku handlovaha abjekta, niezabieśpiačeńnie naležnaj vykładki tavaraŭ u handlovym abstalavańni a taksama pieravyšeńnie roźničnych cen na tavary ŭ paraŭnańni z cenami, jakija dziejničali na 18 śniežnia 2014 hoda, hrubym parušeńniem praviłaŭ handlu, zavabnym za saboj nastupstvy ŭ adpaviednaści z ukazam prezidenta Biełarusi ad 5 śniežnia 2014 № 567 «Ab dadatkovych mierach pa abaronie pravoŭ spažyŭcoŭ»

— až da zakryćcia handlovych abjektaŭ», - adznačajecca ŭ pastanovie.

Kiraŭnikam dziaržaŭnych orhanaŭ i arhanizacyj da 22 śniežnia daručana «vydać łakalnyja pravavyja akty ab arhanizacyi raboty pa stabilizacyi adpusknych i roźničnych cen na spažyvieckija tavary z ustalavańniem vyraznaj sistemy kantrolu i acenki kadraŭ. U vypadku nievykanańnia patrabavańniaŭ, vyznačanych nazvanymi aktami, unosić va ŭstanoŭlenym paradku prapanovy ab adchileńni kiraŭnikoŭ ad zajmanych pasadaŭ pa dyskredytujučych padstavach».

Uradam Biełarusi ŭstanoŭleny štodzionny kantrol za situacyjaj na spažyvieckim rynku, paviedamiła pres-słužba. Terminy dziejańnia hetaha maratoryja ŭ dakumiencie nie paznačanyja.

Nahadajem, 19 śniežnia Nacbank abviaściŭ ab uviadzieńni ŭ krainie časovaha 30-adsotkavaha zboru pry kupli valuty jurydyčnymi i fizičnymi asobami. Dadzienaje rašeńnie, a taksama devalvacyjnyja čakańni nasielnictva pryviali da rostu cenaŭ na spažyvieckim rynku, a taksama da ŭsplosku pakupnickaha popytu na pradukcyju, rublovyja ceny na jakuju jašče nie paśpieli pamianiać.

• 0
• 0
• 0
• 0
• 0
• 0
• 0
• 0