3D-pryntar dla ježy budzie kaštavać mienš za 2 tysiačy dalaraŭ
Na vystavie CES 2015 u Łas-Viehasie tajvańskaja kampanija pradstaviła biudžetny 3D-pryntar, zdolny «nadrukavać» piečyva ci piražki, raspaviadaje Mashable.
Kala dvuch hod tamu 3D-pryntary pierajšli z razradu navukovaj fantastyki ŭ razrad raspaŭsiudžanych u realnym śviecie aparataŭ. Chutka jany stanuć i dastupnymi dy zvykłymi spažyvieckimi pryładami: novy 3D-pryntar XYZPrinting dla charčovych praduktaŭ budzie kaštavać ŭsiaho čatyry siarednich zarpłaty biełarusa.
Apparat zdolny «razdrukavać» luby mučny pradukt pamieram 200ch150ch150 mm, nanosiačy syravinu płastami ad 0,8 da 6,4 mm. Da pryntara budzie stvorany vobłačny siervis, što budzie napaŭniacca receptami-schiemami, jakija možna zahružać naŭprost na pryntar.
3D-pryntar nievialiki, 60 santymietraŭ u vyšyniu. Jon maje 5''-tačskryn, praz USB padklučajecca da kampjutara na bazie Windows 7 i 8 albo MacOS X 10.8. Ab starcie prodažaŭ nie paviedamlajecca, ale kampanija padkreślivaje, što aparat stanie masavym praduktam, a nie zastaniecca kanceptam dla vystavy.
Akramia taho, kampanija pradstaviła chatni 3D-pryntar dla raboty z płastykam za 500 dalaraŭ, da Vinci. Jon pastupić u prodaž u sakaviku.
Čytajcie taksama: NASA pieradała haječny kluč u kosmas pa elektronnaj pošcie
Kamientary