3D-прынтар для ежы будзе каштаваць менш за 2 тысячы даляраў
На выставе CES 2015 у Лас-Вегасе тайваньская кампанія прадставіла бюджэтны 3D-прынтар, здольны «надрукаваць» печыва ці піражкі, распавядае Mashable.
Каля двух год таму 3D-прынтары перайшлі з разраду навуковай фантастыкі ў разрад распаўсюджаных у рэальным свеце апаратаў. Хутка яны стануць і даступнымі ды звыклымі спажывецкімі прыладамі: новы 3D-прынтар XYZPrinting для харчовых прадуктаў будзе каштаваць ўсяго чатыры сярэдніх зарплаты беларуса.
Аппарат здольны «раздрукаваць» любы мучны прадукт памерам 200х150х150 мм, наносячы сыравіну пластамі ад 0,8 да 6,4 мм. Да прынтара будзе створаны воблачны сервіс, што будзе напаўняцца рэцэптамі-схемамі, якія можна загружаць наўпрост на прынтар.
3D-прынтар невялікі, 60 сантыметраў у вышыню. Ён мае 5''-тачскрын, праз USB падключаецца да камп’ютара на базе Windows 7 і 8 альбо MacOS X 10.8. Аб старце продажаў не паведамляецца, але кампанія падкрэслівае, што апарат стане масавым прадуктам, а не застанецца канцэптам для выставы.
Акрамя таго, кампанія прадставіла хатні 3D-прынтар для работы з пластыкам за 500 даляраў, da Vinci. Ён паступіць у продаж у сакавіку.
Чытайце таксама: NASA перадала гаечны ключ у космас па электроннай пошце
Цяпер чытаюць
Здзелка Трампа з Пуціным: чым за яе могуць заплаціць Украіна і Беларусь11
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары