Hruz vytvorčaści biełaruskaha AAT «Ahrakambinat «Skidzielski» byŭ zatrymany 7 studzienia ŭ punkcie papiaredniaha paviedamleńnia «Čyrvonaja Horka».
«Zhodna z pradjaŭlenymi dla kantrolu dakumientami ŭvoziłasia zamarožanaja pradukcyja — tuška kurania brojlera 2-ha hatunku. Pry fizičnym dahladzie inśpiektary Upraŭleńnia Raśsielhasnahladu vyśvietlili, što ŭ skład hruzu ŭvachodziła pradukcyja, vypracavanaja padčas dziejańnia časovych abmiežavańniaŭ na pastaŭki z hetaha pradpryjemstva. Źniešni vyhlad pradukcyi śviedčyŭ ab parušeńni pradpryjemstvam technałohii apracoŭki ptuški», — paviedamlajecca na sajcie Raśsielhasnahladu.
Nahadajem, što ŭ listapadzie Raśsielhasnahlad zabaraniŭ uvoz u RF pradukcyi biełaruskich miasa-małočnych pradpryjemstvaŭ. Ahułam pad «sankcyi» trapili bolš za 20 vytvorcaŭ. U jakaści pryčyn nazyvałasia nieadpaviednaść biełaruskaj pradukcyi normam zakanadaŭstva RF i Mytnaha sajuza. U pačatku śniežnia była praviedziena maštabnaja sumiesnaja biełaruska-rasijskaja pravierka, i šerah pradpryjemstvaŭ – u tym liku i «Ahrakambinat «Skidzielski» - iznoŭ atrymali dazvoł uvozić svaju pradukcyju na terytoryju Rasii.
Ciapier čytajuć
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3737
Kamientary