Груз вытворчасці беларускага ААТ «Агракамбінат «Скідзельскі» быў затрыманы 7 студзеня ў пункце папярэдняга паведамлення «Чырвоная Горка».
«Згодна з прад'яўленымі для кантролю дакументамі ўвозілася замарожаная прадукцыя — тушка кураня бройлера 2-га гатунку. Пры фізічным даглядзе інспектары Упраўлення Рассельгаснагляду высветлілі, што ў склад грузу ўваходзіла прадукцыя, выпрацаваная падчас дзеяння часовых абмежаванняў на пастаўкі з гэтага прадпрыемства. Знешні выгляд прадукцыі сведчыў аб парушэнні прадпрыемствам тэхналогіі апрацоўкі птушкі», — паведамляецца на сайце Рассельгаснагляду.
Нагадаем, што ў лістападзе Рассельгаснагляд забараніў увоз у РФ прадукцыі беларускіх мяса-малочных прадпрыемстваў. Агулам пад «санкцыі» трапілі больш за 20 вытворцаў. У якасці прычын называлася неадпаведнасць беларускай прадукцыі нормам заканадаўства РФ і Мытнага саюза. У пачатку снежня была праведзена маштабная сумесная беларуска-расійская праверка, і шэраг прадпрыемстваў – у тым ліку і «Агракамбінат «Скідзельскі» - ізноў атрымалі дазвол увозіць сваю прадукцыю на тэрыторыю Расіі.
Цяпер чытаюць
Адвакат Дзмітрый Лепрэтар расказаў пра белыя плямы ў справе аб тэракце ў метро11
Каментары