U stalicy krainy złavili złamyśnika, jaki, na dumku palicyi, maje ŭsie padstavy pretendavać na zvańnie «samoha tupoha złačyncy» ŭ hetym hodzie.
25‑hadovy małady čałaviek, jaki tak uraziŭ palicyjantaŭ u stalicy krainy Pretoryja, u minułyja vychodnyja pryjšoŭ u pastarunak i zajaviŭ, što banda rabaŭnikoŭ adabrała ŭ jaho mabilny telefon, pahražajučy zastrelić.
Kali adzin z palicyjantaŭ nabraŭ numar nibyta skradzienaha telefona, toj zaźvinieŭ prosta ŭ kišeni paciarpiełaha.
«Niekalki chvilin jon ad šoku ničoha nia moh vymavić», — raskazaŭ pres‑sakratar palicyi Judžyn Aperman.
Palicyja aryštavała maładoha čałavieka za łžeśviedčańnie.
Paśla hetaha jany vypuścili pres‑reliz z zahałoŭkam «Samy durny złačynca?», dzie apisali padrabiaznaści vypadku.
«Machlar spačatku pasprabavaŭ pierakanać palicejskaha, što jon pamyłkova daŭ inšy numar, ale jon ničoha nia zmoh patłumačyć, čamu telefon u jahonaj kišeni maje adpaviedny seryjny numar i padychodzić pad tolki što dadzienaje apisańnie «skradzienaha telefona», ‑‑ skazaŭ Aperman.
Vypadki, kali ŭzbrojenyja rabaŭniki zabirajuć na vulicy telefony,u Paŭdniovaj Afrycy, nia redkaść, i heta nakładvaje adbitak na reputacyju krainy.
Ciapier čytajuć
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu
Kamientary