18 studzienia «Ehida» praviadzie akcyju pa razdačy biazdomnych žyvioł
Hramadskaje abjadnańnie abarony žyvioł «Ehida» sumiesna z kampanijaj Purina 18 studzienia praviadzie ŭ Minsku pieršuju ŭ hetym hodzie dabračynnuju akcyju «Davaj dapamožam!».
Mierapryjemstva projdzie ŭ Minskim dziaržaŭnym pałacy dziaciej i moładzi (Staravilenski trakt, 41) z 13 da 18 hadzin. U akcyi voźmuć udzieł 100 košak i sabak, jakija padabranyja na vulicy i apiakajucca vałanciorami i HAAŽ «Ehida». Usie žyvioły pryščeplenyja i sterylizavanyja, ź vieterynarnymi pašpartami i daviedkami ab stanie zdaroŭja, adznačajuć arhanizatary.
U miežach akcyi ŭ pałacy vystupiać duet Alaksandra i Kanstancin, hurty «Bulvar», Yamaya, Silence i inšyja. Na mierapryjemstvie taksama možna budzie ŭbačyć vystupleńnie adžylici ad Volhi Krasoŭskaj, atrymać biaspłatnuju kansultacyju kinołaha i vieterynarnych uračoŭ kliniki «Doktar Viet».
Luby achvotny moža prynieści na akcyju achviaravańni na ŭtrymańnie žyvioł u prytułku ŭ vyhladzie suchoha kormu, kansiervaŭ, napaŭnialnikaŭ dla kacinych prybiralniaŭ, amunicyi, lažanak dla katoŭ i sabak i h.p.
Ludzi, jakija zabiaruć žyviołu ŭ vałancioraŭ, atrymajuć padarunki i biaspłatnuju kansultacyju vieterynara. «My akažam usialakuju padtrymku novym haspadaram našych žyvioł, usio raskažam i padkažam, u luby momant akažam kansultacyjnuju i maralnuju dapamohu, — adznačyli ŭ «Ehidzie». — Pamiatajcie: zabirajučy žyvioł ŭ nas, vy zachoŭvajecie dva žyćci. Na miesca ŭładkavanaj žyvioły my zmožam zabrać jašče adnaho biedačynu z vulicy».
Ciapier čytajuć
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii
Kamientary