Biełaruski dobraachvotnik nie moža zvolnicca z USU praz pamyłkova składzieny kantrakt
Biełaruski dobraachvotnik, jaki słužyć va Uzbrojenych siłach Ukrainy, nie moža zvolnicca z vojska praź jurydyčnuju pamyłku ŭ kantrakcie. Kali jon padpisvaŭ dakumient 24 lutaha 2022 hoda, jaho aformili nie jak inšaziemca, a jak byccam hramadzianina Ukrainy. Heta pryviało da taho, što ciapier jon nie moža ni zvolnicca z vojska, ni padać zajavu na atrymańnie hramadzianstva, piša «Radyjo Svaboda».
Pa zakonie inšaziemcy zaklučajuć kantrakty terminam ad adnaho da piaci hadoŭ, ale pry hetym majuć prava zvolnicca ŭžo praz šeść miesiacaŭ słužby. Ale hety biełaruski dobraachvotnik apynuŭsia ŭ inšaj situacyi: jaho kantrakt ličycca padpisanym jak z ukrainskim hramadzianinam, tamu zvolnicca jon nie moža navat paśla amal troch hadoŭ słužby.
Jon sprabavaŭ heta zrabić užo dvojčy — u mai 2024-ha i ŭ červieni 2025-ha padavaŭ raparty na zvalnieńnie, ale kamandavańnie abodva razy admoviła, spasłaŭšysia na adsutnaść adpaviednych dakumientaŭ. U mai 2024-ha jaho ŭžo amal dva hady słužby nie dali jamu nijakaha prava na zvalnieńnie, bo kantrakt aformleny pamyłkova.
U lipieni 2025-ha biełarus źviarnuŭsia ŭ sud, patrabujučy pryznać niezakonnymi dziejańni vajskovaj čaści i skasavać kantrakt. Adnak sud viarnuŭ pazoŭ, bo jon byŭ padadzieny zanadta pozna: na abskardžańnie takich rašeńniaŭ advodzicca tolki miesiac, tamu treba było heta rabić jašče ŭ sakaviku 2022 hoda. Biełarus patłumačyŭ, što navat nie viedaŭ, što ź im padpisali niapravilny dakumient, i prasiŭ sud adnavić termin. Adnak sud admoviŭ, paličyŭšy pryčyny niepavažnymi.
Tym nie mienš, u jaho jašče zastajecca mahčymaść abskardzić hetaje rašeńnie ŭ apielacyjnym sudzie ciaham 15 dzion — da kanca žniŭnia.
Situacyja nie adzinkavaja: upaŭnavažanaja prezidenta Ukrainy pa pytańniach abarony pravoŭ vajskoŭcaŭ Volha Rašaciłava raniej paviedamlała, što takija ž prablemy ŭźnikli i ŭ jašče adnaho hramadzianina Biełarusi i ŭ hramadzianina Rasii. Ich taksama pamyłkova aformili jak ukraincaŭ, tamu jany nie mohuć ni zvolnicca, ni atrymać hramadzianstva.
Dla raźbiralnictva stvoranaja admysłovaja pracoŭnaja hrupa pry Hienštabie Ukrainy, ale pra vyniki jaje pracy pakul ničoha nie viadoma.
«Vialikaja savieckaja armija pieramahaje małuju savieckuju armiju». USU stali prajhravać na poli boju paśla viartańnia da starych praktyk
Połk Kalinoŭskaha bolš nie biare ŭdziełu ŭ šturmach. Čamu tak?
Stała viadoma, kolki biełarusaŭ atrymali ŭkrainskaje hramadzianstva, a kolki ich vydvaryli z krainy
Palicyja Hdańska prakamientavała samazabojstva byłoha vajara Jahora Iśpiańkova
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary