Litva pierad vučeńniami «Zachad-2025» na ŭsialaki vypadak uzmacniaje miažu
Kiraŭnik Litoŭskaj słužby achovy dziaržaŭnaj miažy Rustam Lubajeŭ raskazaŭ LRT, što Litva ŭzmacniaje miery biaśpieki z-za sumiesnych rasijska-biełaruskich vučeńniaŭ «Zachad-2025». Usie padrychtoŭčyja dziejańni nosiać sakretny charaktar, ale słužby całkam hatovyja da roznych scenaryjaŭ, uklučajučy mahčymyja pravakacyi na miažy.
Asnoŭnaja meta padrychtoŭčych dziejańniaŭ — praduchilić parušeńni miažy i inšyja incydenty. Pamiežniki buduć vykarystoŭvać usie techničnyja srodki achovy, a taksama supracoŭničać z armijaj i inšymi dziaržaŭnymi strukturami.
Lubajeŭ adznačyŭ, što padčas vučeńniaŭ słužby buduć dziejničać sumiesna, kab nie dapuścić supraćpraŭnych dziejańniaŭ na miažy ź Biełaruśsiu i Rasijaj. Jon taksama prakamientavaŭ ideju stvareńnia «ściany dronaŭ» dla kantrolu pavietranaj prastory, padkreśliŭšy, što heta zadača Minabarony, ale techničny prahres u hetaj śfiery vielmi važny.
Što da pravakacyj, to jany mohuć być roznymi: parušeńnie miažy, vykarystańnie techničnych vajskovych srodkaŭ, navat diestabilizacyja situacyi hrupami mihrantaŭ. Rustam Lubajeŭ padkreśliŭ, što ŭsie mahčymyja scenary praduhledžanyja ŭ płanie dziejańniaŭ jahonaj słužby.
Pry hetym jon adznačyŭ, što pavodle najaŭnaj infarmacyi vučeńni «Zachad-2025» nie vyhladajuć niečym asabliva niebiaśpiečnym i jany buduć mienš maštabnymi, čym papiarednija, adnak padrychtoŭka viadziecca na vypadak luboha raźvićcia padziej.
Na vučeńniach «Zachad-2025» adpracujuć płanavańnie prymianieńnia jadziernaj zbroi i «Arešnika»
Minabarony nazvała metu biełaruska-rasijskich vučeńniaŭ «Zachad-2025»
U Biełaruś prybyli pieršyja rasijskija vajskoŭcy dla sumiesnych vučeńniaŭ
Hiermanija pierad vučeńniami «Zachad-2025» pierakidaje svaje źniščalniki ŭ Polšču
«Łukašenka nikoli ničoha nie baicca». Chrenin zajaviŭ, što vučeńni «Zachad-2025» i nie źbiralisia pravodzić na miažy z NATA
Kamientary