Fanaty «Sichoks». Fota: pnsn.org
«Kali vy byli ŭ štacie Vašynhton, to viedajecie, što jon trochi ašaleŭ z taho času, jak «Sietł Sichoks» vyjhrali Supier Boŭł», — piša Gizmag pra entuzijazm fanataŭ amierykanskaha futbołu. Eniehriju fanataŭ vyrašyli skarystać u navukovych metach.
Stychijnuju siłu fanataŭ «Sichoks» navukoŭcy zaŭvažyli jašče ŭ 2011 hodzie. Tačdaŭn Maršaŭna Linča, a dakładniej, reakcyju fanataŭ na jaho zafiksavaŭ siejsmohraf — ziemlatrus mahnitudaj 2,0. Toj tačdaŭn paźniej staŭ słavutym i atrymaŭ nazvu «Beast Quake».
Napiaredadni hulni «Sichoks» z «Hryn-Bej Pekiers» za vychad u płej-of Nacyjanalnaj futbolnaj lihi 18 studzienia ustalavali datčyki novaha pakaleńnia, što fiksujuć padziemnyja šturški za try siekundy, što ŭ 5-6 razoŭ chutčej za papiaredniaje pakaleńnie. Test takoha pryboru ciažka zładzić na realnym ziemlatrusie, spłanavać jaki pad patreby navukoŭcaŭ niemahčyma.
Šturški padčas hulni. Vyjava: pnsn.org
Test abstalavańnia prajšoŭ paśpiachova. A padčas jaho vyśvietlilisia i cikavyja detali pra fanataŭ. Najbolš mahutny ziemlatrus (navat mahutniejšy za «Beast Quake») adbyŭsia nie paśla tačdaŭnu i navat nie paśla pieramohi «Sichoks» (finalny lik — 28:22). Najmacniejšyja šturški vyklikaŭ nadziva sinchronny taniec zaŭziataraŭ.
Kalibroŭka sensaraŭ dapamoža navukoŭcam bolej dakładna pradkazvać ziemlatrusy i lepiej papiaredžvać ab ich. Niekalki dadatkovych siekund pierad ziemlatrusam mohuć dapamahčy znajści nadziejnaje schovišča, a značyć i ŭratavać žyćcio.
