Prezident Ukrainy Piatro Parašenka zajaviŭ ab prysutnaści na Ukrainie dzieviaci tysiač rasijskich vajskoŭcaŭ, jakija padtrymlivajuć sieparatystaŭ na ŭschodzie krainy.
U svaim vystupie na mižnarodnym ekanamičnym forumie ŭ Davosie jon skazaŭ, što jany ŭzmocnieny ciažkaj technikaj i tankami.
«Kali heta nie ahresija, to što tady ličyć ahresijaj?» — skazaŭ prezident Ukrainy.
Parašenka taksama prademanstravaŭ frahmient abstralanaha pad Vałnavachaj aŭtobusa. U vyniku abstrełu aŭtobusa na minułym tydni zahinuli 13 čałaviek. Parašenka zajaviŭ, što ŭ aŭtobus trapiła rasijskaja rakieta.
Sieparatysty i ŭkrainskija ŭłady admaŭlajuć, što majuć dačynieńnie da hetaha abstrełu.
Ukrainski prezident zaklikaŭ Rasiju nieadkładna prystupić da implemientacyi mirnaha płana ŭ Danbasie, vyvieści adtul vojski i sumiesnymi namahańniami pierakryć rasijska-ŭkrainskuju miažu.
Raniej Parašenka zajaviŭ, što situacyja na ŭschodzie Ukrainy moža pahoršycca, pakolki sieparatysty atrymlivajuć padmacavańnie z Rasii.
«Jašče dźvie tysiačy rasijskich vajennych pierasiakajuć našu miažu. Razam z dvuma sotniami tankaŭ i bronietransparcioraŭ. My razumiejem, što heta ŭjaŭlaje vialikuju niebiaśpieku», - skazaŭ Piotr Parašenka ŭ intervju ahienctvu Błumbierh u Davosie.
Parašenka taksama zajaviŭ, što ŭkrainskija vajskoŭcy «hatovyja dać adpor bajevikam», adnak ułady nastrojeny na mirnaje ŭrehulavańnie kanfliktu.
Ciapier čytajuć
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod22
Kamientary