Abnoŭlenaja viersija kultavaj hulni Heroes of Might and Magic III vyjšła dla nastolnych kampjutaraŭ na Windows dy płanšetaŭ na iOS i Android.
Kłasičnaja pakrokavaja stratehija 1999 hoda pieramalavanaja amal całkam, ale praktyčna nie źmianiłasia: aryhinalnyja madeli i tekstury abrysavanyja pa konturach, im prosta nadadzienaja bolšaja detalizacyja.
U novuju viersiju trapili siem scenaroŭ dla kampanii i 50 kartaŭ dla režymu na šmat karystalnikaŭ, a taksama redaktar kart. Vypuščanaja budzie tolki viersija «Adradžeńnie Erafii», na paźniejšyja dapaŭnieńni Ubisoft nie maje pravoŭ.
Spampavać hulniu možna ŭ Play Store, App Store i Steam. Cana hulni — 11-12 dalaraŭ.
Vodhuki pra abnoŭlenuju hulniu źmiašanyja. Karystalniki narakajuć na niedapracavanaść i vialikuju kolkaść pamyłak (da takoj krytyki na starcie prajektam Ubisoft nie zvykać), a taksama na nizkuju jakaść hrafiki.
***
Heroes of Might and Magic III vyjšła ŭ 1999 hodzie. U pakrokavaj stratehii z bajami ŭmoŭnych armij hulec zmahajecca za panavańnie ŭ fentezijnym śviecie aniołaŭ, demanaŭ, drakonaŭ i mierćviakoŭ. Hulnia atrymała vysokija acenki krytykaŭ i hulcoŭ.
Jaje naščadki (čaćviortaja, piataja i šostaja častki) byli pryniatyja nie tak ciopła. Fanaty praciahvali raspracoŭvać madyfikacyi i party «Trecich Hierojaŭ». Zaraz braŭziernuju hulniu-naščadka «Hierojaŭ» Might & Magic Heroes Online raspracoŭvaje małaviadomaja kitajskaja kampanija Virtuos.
Na płanšety i smartfony aficyjna pieraniesiena niamała kłasičnych videahulniaŭ z kampjutaraŭ i kansolaŭ: niekalki hulniaŭ sieryi Final Fantasy,Worms, Carmageddon, Baldur's Gate, Bard's Tale, XCOM: Enemy Unknown, Syberia, Max Payne i niekalki častak Grand Theft Auto (GTA III, Vice City, San Andreas) i mnohija inšyja.
Z dapamohaj prahram-emulataraŭ možna zapuścić praktyčna ŭsie hulni dla kansolaŭ da piataha pakaleńnia (da pieršaj Sony Playstation).
Ciapier čytajuć
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu33
Kamientary