Arhanizacyja «Freedom House» pradstaviła dakład «Svaboda ŭ śviecie» za 2008 hod. Biełaruś, Uźbiekistan i Turkmienistan nazyvajucca siarod najbolš «represiŭnych» krain.
U śpiecyjalnym dakładzie pravaabarončaj arhanizacyi taksama adznačajecca pasłableńnie palityčnych svabodaŭ u Kitai, Vieniesuele, Pakistanie, Iranie, Rasiei.
Kolkaść «častkova svabodnych» krain pavialičyłasia na dźvie, da 60, i ciapier na ich dolu prychodzicca 18 pracentaŭ nasielnictva ziamnoha šara. Usiaho na siońnia svabodaj u toj ci inšaj miery karystajecca 4,2 miljardy čałaviek. U 1977 hodzie tolki 28 pracentaŭ nasielnictva śvietu žyli ŭ svabodnych krainach, a 41 pracent žyli u niavolnych. Ciapier pad uładaj režymaŭ, jakija padaŭlajuć svabodu, žyvie 21 pracent nasielnictva, pryčym pałova prychodzicca na adnu krainu — Kitaj.
Akramia taho, adznačajecca ŭ dakładzie, u apošnija hady źjavilisia rehijanalnyja «mocnyja lidery», jakija raspaŭsiudžvajuć abo zaachvočvajuć represiŭnyja tendencyi ŭ susiednich krainach. Rasieja Uładzimira Pucina, sama pa sabie niavolnaja, akazvaje dapamohu i padtrymku jašče mienš svabodnamu biełaruskamu režymu. Birmanski režym daŭno b užo byŭ by pieramožany, kali b nie padtrymka Kitaja. Uha Čavies vykarystoŭvaje Vieniesuełu (častkova svabodnuju) u jakaści płatformy dla akazańnia padtrymki inšym represiŭnym režymam. Iran (niavolny) i Siryja (niavolnaja) vystupajuć u jakaści faktaraŭ destabilizacyi ŭ Livanie (častkova svabodnym).
Biełaruś, jakaja patrapiła ŭ śpis najbolš represiŭnych krain, adznačanaja ŭ dakładzie jak kraina, dzie ŭ turmach utrymlivajucca palitviaźni, parušajecca pryncyp padziełu ŭład svaboda słova i svaboda schodaŭ.
Kamientary