U Minsku ździejśnieny razbojny napad na kalekcyjaniera-numizmata. Była vykradziena kalekcyja maniet.
Upraŭleńniem pa Minsku raspačata kryminalnaja sprava pa artykule «Razboj».
Śledstvam ustanoŭlena, što paciarpieły ŭ dzień napadu braŭ udzieł u schodzie kłuba kalekcyjanieraŭ, jaki prachodziŭ u Pałacy kultury i sportu čyhunačnikaŭ. Pa zakančeńni mierapryjemstva jon nakiravaŭsia dadomu.
U padjeździe jaho čakaŭ złamyśnik, jaki nanios kalekcyjanieru niekalki udaraŭ bitaj pa hałavie, paśla čaho vychapiŭ sumku z kalekcyjaj i pasprabavaŭ uciačy. Adnak, byŭ zatrymany susiedziami, pačuŭšy kryki ab dapamozie.
Suma vykradzienaj kalekcyi, pavodle papiarednich dadzienych, aceńvajecca ŭ 150 młn rubloŭ.
Dziejańni zatrymanaha kvalifikavanyja jak razboj, učynieny ŭ bujnym pamiery.
Pravodzicca kompleks śledčych dziejańniaŭ, nakiravanych na vyśviatleńnie ŭsich abstavinaŭ. Akramia taho, śledčymi ustaloŭvajecca krynica infarmacyi, dziakujučy jakomu padazravany viedaŭ pra čas viartańnia kalekcyjaniera z vystavy. Pryznačany šerah ekśpiertyz.