Surjoznyja nastupstvy praduchilili supracoŭniki pałka patrulna-pastavoj słužby ŭ Lidzie, paviedamlaje pres-słužba Hrodzienskaj abłasnoj milicyi.
Zaŭvažyŭšy aŭtamabil, maniera kiravańnia jakim navodziła na padazreńnie pra stan vadziciela, jany spynili transpartny srodak. Pra toje, što kiroŭca invalid druhoj hrupy pa psichičnym zachvorvańni vyśvietliłasia, tolki kali zatrymanaha dastavili ŭ Lidski RAUS.
46-hadovy miascovy žychar kala hadziny nočy pryjšoŭ na stajanku, dzie zvyčajna adpačyvajuć kiroŭcy vialikahruznych aŭto, pahrukaŭ u akienca aŭtamabila «Man», razbudziŭ kiroŭcu i pradstaviŭsia supracoŭnikam raźviedki.
Pryčym prynaležnaść da śpiecsłužbaŭ u mužčyny pastajanna źmianiałasia: to KDB, to CRU. Sprasonku dalnabojnik navat nie zdahadaŭsia pravieryć u «ahienta» dakumienty.
U dalejšym, kali łžeraźviedčyk ahledzieŭ hruz i abšukaŭ kiroŭcu, paŭstała patrabavańnie skarystacca transpartnym srodkam.
Kiroŭca sieŭ z boku, a złamyśnik uładkavaŭsia za rulom. Tak i pajechali katacca pa horadzie, ale na ščaście, dziakujučy pilnaści milicyi hruzavik ŭdałosia svoječasova spynić.
U rajadździele zatrymany taksama raspaviadaŭ pra siłavyja struktury, u padziaku za prajaŭlenuju pilnaść klikaŭ na słužbu da siabie ŭ raźviedku, adnak u zroblenym pryznaŭsia.
Zaviedziena kryminalnaja sprava pa fakcie kradziažu, adnak mužčyna užo nakiravany na lačeńnie ŭ śpiecyjalizavanuju miedustanovu.
Ciapier čytajuć
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary