Zelvienski rajonny adździeł Śledčaha kamiteta raspačaŭ kryminalnuju spravu pa fakcie parušeńnia praviłaŭ darožnaha ruchu i ekspłuatacyi transpartnych srodkaŭ asobaj, jakaja kiravała aŭtamabilem u stanie ałkaholnaha ap`ianieńnia, što mieła vynikam pa nieaściarožnaści śmierć čałavieka (č. 4 art. 317 KK).
Jak paviedamiŭ aficyjny pradstaŭnik upraŭleńnia SK pa Hrodzienskaj vobłaści Siarhiej Šaršanievič, 14 lutaha kala 20 hadzin u Zelvie niepracujučy žychar Vaŭkavyska 1981 hoda naradžeńnia za rulom «Reno-19» nie spraviŭsia z kiravańniem i vyjechaŭ na pałasu sustrečnaha ruchu. U vyniku jon učyniŭ najezd na piešachoda 1998 hoda naradžeńnia, jaki hałasavaŭ na pałasie razhonu źleva pa chodzie ruchu. Ad atrymanych traŭm toj pamior na miescy.
Padčas ahladu miesca zdareńnia, ustanaŭleńnia vidavočcaŭ DTZ, praviadzieńnia inšych śledčych dziejańniaŭ śledčyja vyśvietlili, što kiroŭca i dva pasažyry ź pieravyšeńniem chutkaści ruchalisia ŭ mahazin za śpirtnymi napojami na technična niaspraŭnym aŭtamabili. Usie troje znachodzilisia ŭ stanie ałkaholnaha apjanieńnia. Utrymańnie ałkaholu ŭ kryvi kiroŭcy skłała 1,83 pramile. U momant DTZ u mašyny adlacieła zadniaje koła. U kiuviet jana nie ź`iechała tolki pa pryčynie sutyknieńnia z darožnym znakam.
Padazrony va ŭčynieńni złačynstva zatrymany. Śledstva inicyjavała pierad prakuroram uziaćcie mužčyny pad vartu. Z metaj ustanaŭleńnia ŭsich akaličnaściaŭ DTZ pryznačany šerah ekśpiertyz, u tym liku sudova-miedycynskaj, aŭtatechničnaj i trasałahičnaj.
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary