Zachop Debalcava sieparatystami dakazvaje pravał pahadnieńnia ab spynieńni ahniu va Ukrainie. Pra heta havorycca ŭ supolnaj zajavie sienataraŭ-respublikancaŭ Džona Makkiejna i Lindsi Hrema, pieradaje «Hołas Amieryki».
«Z učorašniaha dnia hety śmiechu varty list papiery nie zrabiŭ ničoha, kab praduchilić śmierci novych dziesiatkaŭ ŭkrainskich sałdat i zdaču novych suvierennych ŭkrainskich terytoryj Uładzimiru Pucinu i jahonym staŭlenikam», — kaža zajava.
«Pucin dasiahnuŭ svaich vajennych zadač u Debalcavie i my baimsia, što zachodnija lidery, zamiest taho, kab pryznać žorstkuju realnaść rasijskich učynkaŭ, dazvolać Pucinu śćviardžać, što jon prytrymlivajecca pałažeńniaŭ pahadnieńnia ab spynieńni ahniu. Na samaj spravie jon vykarystoŭvaje nastupnyja tydni i miesiacy, kab kansalidavać svaje apošnija zachopy, kab u dalejšym uzbrojvać i rychtavać armiju svaich staŭlenikaŭ, kab destabilizavać urad i ekanomiku Ukrainy, kab pasprabavać padzialić transatłantyčny aljans i padrychtavacca da nastupnaha vajennaha nastupu, jaki, vierahodna adbudziecca ŭ Maryupali. Nastojvańnie na iluzii spynieńnia ahniu tolki daść Pucinu žadanaje prykryćcio, nieabchodnaje dla płanavańnia jaho nastupnaha aktu ahresii va Ukrainie», — zajavili sienatary.
«Niahledziačy na heta, zachodnija lidpry, uklučajučy prezidenta ZŠA, praciahvajuć chapacca za ŭsie dastupnyja adhavorki, kab nie pastaŭlać abarončyja ŭzbrajeńni i inšuju vielmi nieabchodnuju vajennuju dapamohu ukrainskamu ŭradu. Pakul prezident Abama praciahvaje «razhladać» nadańnie zbrojnaj dapamohi Ukrainie, Pucin praciahvaje vykarystoŭvać zbrojnuju siłu, kab dasiahnuć svaich vajennych metaŭ va Ukrainie», — havorycca ŭ zajavie amierykanskich zakanadaŭcaŭ.
«Ukraincy majuć volu, kab supraciŭlacca ahresii i nie prosiać nikoha vajavać za ich. Jany tolki prosiać abaroncaŭ demakratyi dać im srodki dla supraćstajańnia nastupu dyktatara. Hańba nam za toje, što my padviali ich», — padkreślivajecca ŭ zajavie.
Ciapier čytajuć
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny24
Kamientary