Kiraŭnik Jeŭrakamisii zaklikaŭ da stvareńnia ahulnajeŭrapiejskaj armii
Staršynia Jeŭrapiejskaj kamisii Žan-Kłod Junkier zaklikaŭ da stvareńnia ahulnajeŭrapiejskaj armii.
Ź jaje stvareńniem, adznačyŭ Junkier u intervju, što publikujecca hazietaj Welt am Sonntag, Jeŭropa zmoža pierakanaŭča reahavać na pahrozu miru jak u krainach-siabrach, tak i ŭ susiednich ź ES krainach.
«Ahulnajeŭrapiejskuju armiju niemahčyma stvaryć mamientalna», - ličyć były kiraŭnik urada Luksiemburha. Ale, upeŭnieny Junkier, ahulnajeŭrapiejskaja armija «daść Rasii zrazumieć, što my surjozna stavimsia da adstojvańnia kaštoŭnaściaŭ Jeŭrapiejskaha Sajuza».
Kiraŭnik Jeŭrakamisii padkreśliŭ simvaličnaje značeńnie hetaha prajektu. «Ahulnajeŭrapiejskaja armija pakaža ŭsim śviecie, što pamiž krainami ES nikoli nie budzie vajny», — zajaviŭ Junkier. Razmova nie idzie ab kankurencyi z NATA, a pra toje, kab Jeŭropa mahła brać bolš adkaznaści za toje, što adbyvajecca ŭ śviecie. «Jeŭropa ŭ apošni čas straciła prestyž, - krytykuje kiraŭnik Jeŭrakamisii sučasny stan spraŭ, — navat u źniešniaj palitycy nas pierastajuć prymać surjozna».
U toj ža čas Junkier adznačyŭ arhanizacyjnyja i finansavyja vyhady ad udziełu ŭ prajekcie. Havorka idzie ab intensiŭnym supracoŭnictvie ŭ raspracoŭcy i nabyćci sučasnych sistem uzbrajeńnia, što moža prynieści istotnuju ekanomiju.
Ciapier čytajuć
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»12
Kamientary