Pra heta 24 studzienia na pres‑kanferencyi zajaviŭ načalnik upraŭleńnia taryfnaha rehulavańnia i mytnych płaciažoŭ DMK.
Pavyšeńnie stavak uvaznych mytnych pošlin na lehkavyja i hruzavyja patrymanyja aŭtamabili ŭ Biełarusi nie płanujecca. Ab hetym 24 studzienia na pres‑kanfierencyi zajaviŭ načalnik upraŭleńnia taryfnaha rehulavańnia i mytnych płaciažoŭ Dziaržaŭnaha mytnaha kamiteta Siarhiej Połudzień.
Jon zaznačyŭ, što ŭ vypadku dalejšaha raźvićcia ŭ Biełarusi zboračnych vytvorčaściej lehkavych aŭtamabilaŭ stymulavańnie takich pradpryjemstvaŭ moža ažyćciaŭlacca nie tolki pry dapamozie pošlinaŭ, ale i praź inšyja ryčahi. «Nieabaviazkova patrebna pavyšać staŭki ŭvaznych mytnych pošlin», — padkreśliŭ S.Połudzień.
Jon taksama zajaviŭ, što ŭ DMK takija dakumienty nie pastupali, i mytnaje viedamstva nie razhladaje varyjanty pavieličeńnia ŭvaznych pošlin na lehkavyja aŭtamabili.
Pavyšać staŭki ŭvaznych mytnych pošlin na hruzavyja patrymanyja aŭtamabili taksama nie płanujecca. Pry hetym, jak patłumačyŭ S.Połudzień, 1 studzienia 2008 hoda nabyŭ moc novy mytny taryf, a taksama ŭviedziena novaja kniha tavarnaj namienkłatury źniešnieekanamičnaj dziejnaści (TN ZED). U vyniku adbylisia źmianieńni ŭ kodach, i, adpaviedna, pavinny być uniesieny źmianieńni va ŭsie narmatyŭnyja akty. Zychodziačy z hetaha mytny taryf byŭ pierahledžany. Ciapier staŭka na ŭvoz hruzavych patrymanych aŭtamabilaŭ znachodzicca na ŭzroŭni 50%, ale nie mienš čym 2 jeŭra. Takaja staŭka isnavała i raniej, ale na časovaj asnovie. «Inšych pavyšeńniaŭ stavak pa hruzavym transparcie my nie bačym, i nijakich danych u nas niama», — zaznačyŭ pradstaŭnik DMK.
Ciapier čytajuć
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich3
Kamientary