Piśmieńnik Valancin Raspucin pamior u Maskvie na 78-m hodzie žyćcia za dzień da svajho dnia naradžeńnia, paviedamiła RIA «Naviny» ŭ niadzielu 15 sakavika, jaho ŭnučka Antanina.
kommersant.ru
«Jon pamior. Čatyry dni byŭ u komie. Vyrašajecca pytańnie z raźvitańniem i pachavańniem. Chutčej za ŭsio, raźvitańnie budzie ŭ Maskvie. A chavać buduć u Irkucku», - skazała jana.
«Jon u Maskvie niekalki miesiacaŭ. To lažaŭ u špitali, to vypisvaŭsia. Apošni čas byŭ doma, pačuvaŭsia nie vielmi dobra», - raspavioŭ pieršy sakratar praŭleńnia Sajuza piśmieńnikaŭ Rasii Hienadzij Ivanoŭ.
U svaju čarhu, staršynia Sajuza piśmieńnikaŭ Rasii Valeryj Haničaŭ paviedamiŭ, što za apošnija 10 hadoŭ Raspucin pieranios dźvie surjoznyja straty. U 2012 hodzie pamierła jaho žonka, a ŭ 2006 hodzie zahinuła dačka piśmieńnika.
Valancin Raspucin naradziŭsia 15 sakavika 1937 h. u vioscy Atałanka Irkuckaj vobłaści. Piśmieńnik byŭ Hierojem Sacyjalistyčnaj Pracy, łaŭreatam Dziaržaŭnych premij SSSR i Rasii.
Raspucina adnosiać da pradstaŭnikoŭ tak zvanaj viaskovaj prozy. Samyja viadomyja jaho tvory — «Raźvitańnie z Macioraj», «Uroki francuzskaha», «Apošni termin», «Žyvi i pamiataj», «Pažar».
Kamientary