Kandydatam u prezidenty ad apazicyi moža stać žančyna
U 2015 hodzie ŭpieršyniu ŭ historyi kandydatam na pasadu prezidenta Biełarusi moža stać žančyna. U palityčnych asiarodkach razhladałasia kandydatura namieśnicy staršyni Tavarystva biełaruskaj movy Aleny Anisim, ale kampanija «Havary praŭdu» schilajecca da inšaha vybaru — svajoj aktyvistki Taćciany Karatkievič.
Mienavita jana, pavodle źviestak internet-haziety «Salidarnaść», i stanie niečakanym kandydatam ad kaalicyi «Narodny refierendum».
U intervju radyjo «Svaboda» Taćciana Karatkievič paćvierdziła, što jaje imia fihuruje ŭ śpisie mahčymych kandydataŭ. «Kali mnie davierać, to ja hatovaja stać adzinym kandydatam», — skazała jana, ale ŭstrymałasia ad dalejšych kamientaroŭ da kanca pieramoŭ unutry kaalicyi.
Karatkievič skončyła psichałohiju ŭ Biełaruskim dziaržaŭnym piedahahičnym univiersitecie imia Maksima Tanka. 11 hadoŭ pracavała vykładčykam psichałohii va ŭniviersitetach. Była taksama zahadčycaj adździaleńnia sacyjalnaj adaptacyi i reabilitacyi Terytaryjalnaha centra sacyjalnaha absłuhoŭvańnia Leninskaha rajona Minska.
U «Havary praŭdu» Taćciana Karatkievič z 2010 hoda. Zajmałasia tam pieravažna miascovymi prablemami žycharoŭ Minska, sprabavała bałatavacca ŭ Minski harsaviet. Akramia «Havary praŭdu!», Karatkievič uvachodzić u Sacyjał-demakratyčnuju partyju «Hramada».
Jana zamužam, maje dzicia.
Zaanhažavany ŭ palityčnyja pracesy sacyjołah, jaki prasiŭ nie nazyvać jaho, acharaktaryzavaŭ «Našaj Nivie» Karatkievič jak «pazityŭnaha čałavieka z vysokim intelektualnym patencyjałam». Adnak jana zusim nieviadomaja hramadstvu, navat palityčnym aktyvistam, dadaŭ jon. U toj ža čas tearetyčna žančyna jak alternatyva Alaksandru Łukašenku maje patencyjał abjadnać pratestavyja hałasy.
Akramia Karatkievič, ad apazicyi na vybary, imavierna, pojdzie daŭni praciŭnik Alaksandra Łukašenki, kiraŭnik Abjadnanaj hramadzianskaj partyi Anatol Labiedźka. Jany mohuć vyznačyć, chto ź ich stanie adzinym kandydatam, abo inšuju supolnuju taktyku paźniej.
Apytanka
Ciapier čytajuć
«Narod pavinien na hetu ŭładu malicca». Łukašenka patrabuje, kab paśla armii chłopcy viartalisia stroha na raniejšyja miescy pracy9
«Narod pavinien na hetu ŭładu malicca». Łukašenka patrabuje, kab paśla armii chłopcy viartalisia stroha na raniejšyja miescy pracy
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami77
Kamientary