Prajekt ukaza ab ukaranieńni sistemy elektronnaj čarhi na dziaržhranicy ŭniesieny ŭ Administracyju prezidenta

Prajekt ukaza ab ukaranieńni sistemy elektronnaj čarhi ŭ aŭtadarožnych punktach propusku praź dziaržaŭnuju hranicu ŭniesieny na razhlad u Administracyju prezidenta, paviedamiŭ staršynia Dziaržpahrankamiteta Biełarusi Leanid Malcaŭ na pasiadžeńni kamisii Viciebskaj vobłaści pa realizacyi dziaržaŭnaj pahraničnaj palityki.

«Nami sumiesna z zacikaŭlenymi dziaržorhanami raspracavany prajekt ukaza Prezidenta Respubliki Biełaruś ab ukaranieńni sistemy elektronnaj čarhi. Jon prajšoŭ užo ŭsie ŭzhadnieńni na ŭzroŭni ŭrada i ŭniesieny na razhlad u Administracyju Prezidenta», - rastłumačyŭ kiraŭnik viedamstva.

Važnym pytańniem raźvićcia tranzitnaj pryvabnaści krainy, padtrymańnia pravaparadku na pryhraničnych terytoryjach zastajecca rabota pa minimizacyi čerhaŭ u aŭtadarožnych punktach propusku za košt ukaranieńnia sistemy elektronnaj čarhi. «Jość mierkavańnie, što elektronnaja čarha pavialičvaje prapusknuju zdolnaść punktaŭ propusku. Ničoha takoha. Dla hetaha treba palepšyć infrastrukturu, dapuścim, pavialičyć kolkaść pałos i ludziej. Abo pastavić novuju techniku, jakaja źmienšyć čas nadhladu. A elektronnaja čarha tolki ŭparadkoŭvaje praces propusku», - rastłumačyŭ Leanid Malcaŭ.

U listapadzie 2014 hoda «Biełmytniaservis» zaviaršyŭ raspracoŭku prahramnaha praduktu dla funkcyjanavańnia sistemy elektronnaj čarhi ŭ častcy, jakaja datyčycca braniravańnia praź internet času ŭjezdu ŭ punkt propusku. Z metaj vyprabavańnia sistemy jana była ŭkaraniona ŭ punkcie propusku «Kazłovičy», praź jaki za sutki prachodzić pa tysiačy hruzavych transpartnych srodkaŭ tolki ŭ adzin bok. U stadyi prapracoŭki znachodzicca pytańnie ab praviadzieńni anałahičnaha ekśpierymienta ŭ aŭtadarožnym punkcie propusku «Brest» («Varšaŭski most»). Jak tolki budzie padpisany ŭkaz, tut zmohuć dystancyjna braniravać čas ujezdu ŭładalniki ŭsich vidaŭ aŭtamabilaŭ.

Pavodle acenak Dziaržpahrankamiteta, sistemu elektronnaj čarhi na terytoryi Viciebskaj vobłaści najbolš metazhodna ŭkaranić u aŭtadarožnych punktach propusku «Hryhoraŭščyna» i «Urbany». «My nie nastojvajem. Meta dziejańniaŭ - nie ŭkaranić sistemu, a navieści paradak u punktach propusku», - padkreśliŭ Leanid Malcaŭ. Pieršaje ŭražańnie ab krainie, jak i apošniaje, farmirujecca mienavita tut. Tamu punkty propusku - mižnarodnyja abo sproščanyja - pavinny być u idealnym stanie.

• 0
• 0
• 0
• 0
• 0
• 0
• 0
• 0