Unuk brytanskaj karalevy Lizaviety II prync Uiljam pryniaty na pracu ŭ kampaniju, jakaja adkazvaje za dziejnaść viertalotaŭ chutkaj dapamohi va Uschodniaj Anhlii. Pra heta paviedamili 30 sakavika u Kiensinhtonskim pałacy — aficyjnaj rezidencyi hiercaha i hiercahini Kiembrydžskich.
«Prync Uiljam pačaŭ prafiesijnuju dziejnaść u jakaści supracoŭnika kampanii Bond Air Services, — havorycca ŭ hetaj zajavie. — Na praciahu bližejšych miesiacaŭ jon budzie prachodzić dadatkovaje navučańnie pierad tym, jak pačać samastojnyja paloty ŭ jakaści piłota pavietranaj chutkaj dapamohi va Uschodniaj Anhlii».
Paviedamlajecca, što abaviazkovaja padrychtoŭka ŭklučaje ŭ siabie pracu na lotnym trenažory, a taksama paloty sumiesna ź instruktaram. U kancy lutaha Uiljam zaviaršyŭ paŭhadavoje navučańnie, kab stać licenzavanym piłotam viertalota chutkaj dapamohi, dla čaho pryncu spatrebiłasia zdać 14 ispytaŭ. Tym nie mienš, zhodna ź isnujučym praviłam, da taho, jak prystupić da niepasrednaj prafiesijnaj dziejnaści, členu karaleŭskaj siamji treba prajści dadatkovaje navučańnie ŭ svajho ciapierašniaha pracadaŭcy.
Pa słovach krynic pry dvary, Uiljam byŭ «nie vielmi zadavoleny» tym, što ŭ minułym hodzie jamu daviałosia zvolnicca z šerahaŭ brytanskich VPS, dzie jon kiravaŭ pošukava-vyratavalnym viertalotam. Paviedamlajecca, što pakul hiercah Kiembrydžski nie hatovy całkam pryśviacić siabie vykanańniu abaviazkaŭ člena karaleŭskaj siamji, jakija zaklučajucca, hałoŭnym čynam, u pajezdkach pa krainie i za miažu i ŭdziele ŭ dabračynnych i śvieckich mierapryjemstvach.
Pavietranaja chutkaja dapamoha va Uschodniaj Anhlii siem dzion na tydzień zabiaśpiečvaje dziažurstva dvuch viertalotaŭ Eurocopter EC135. Hetyja mašyny kirujucca adnym piłotam, adnak ličycca, što Uiljam budzie lotać na novaj madeli EC145, dzie piłotaŭ — dvoje. Jany pracujuć piać dzion pa 10 hadzin za źmienu, a zatym adpačyvajuć na praciahu troch dzion. Spačatku prync pavinien stać druhim piłotam, ale ŭ pierśpiektyvie moža zaniać pasadu kamandzira pavietranaha sudna.
Na hod viertaloty hetaj miedycynskaj słužby ździajśniajuć bolš za 1,5 tysiač vyletaŭ pa vyklikach, źviazanych z raznastajnymi zdareńniami — ad aŭtamabilnych avaryj da sardečnych prystupaŭ.
Ciapier čytajuć
Cichanoŭski: Ja ž nie viedaŭ, što ludzi bajacca pakazvać tvary i bajacca za svaich svajakoŭ! Ja nabivaju huzy sam33
Kamientary