Śpiavać pa‑biełarusku stanovicca sapraŭdy modna. Paćvierdziŭ heta adzin z samych paśpiachovych ajčynnych pop‑śpievakoŭ Alaksiej Chlastoŭ.
Jakraz 1 lutaha jon prezientavaŭ internet‑sinhł, u jaki ŭvajšła novaja kampazicyja ŭ jaho vykanańni pad nazvaj «Pohlad dziavočy». U dzień jaje vychadu vykanaŭca pahadziŭsia prezientavać hety tvor na Radyjo Racyja, a taksama raspavioŭ pra svajo staŭleńnie da siońniašnaha muzyčnaha farmatu i pra płany zapisać adnu z kampazicyj hurta «Niejra dziubiel».
« Ja žyvu ŭ svajoj krainie, jakaja zaviecca Biełaruś. Raniej nie sustrakałasia pieśnia pa‑biełarusku, jakaja by mnie padyjšła. I voś narešcie jana źjaviłasia», — kaža pra novy sinhł Alaksiej Chlastoŭ.
Aŭtar pieśni «Pohlad dziavočy» Uładzimir Kurjan pahadziŭsia addać na biaspłatnaj asnovie svoj tvor Alaksieju Chlastovu. Cikava, što raniej jaje vykonvaŭ Jakaŭ Navumienka.
Ciapier biełaruskamoŭnych piesień u efiry biełaruskich FM‑stancyj zusim niašmat, niahladziačy na isnujučuju kvotu ŭ 75 pracentaŭ biełaruskaj muzyki. Ale muzyčnyja redaktary addajuć pieravahu inšym tvoram, bo ličać samu movu vykanańnia — niefarmatnaj. Zhadžajecca z hetym i Alaksiej Chlastoŭ, ale kaža, što situacyja ŭ hetym kirunku pakrysie vypraŭlajecca.
‑ Zaraz źjaŭlajucca prahramy pra biełaruskamoŭnuju muzyku šmat na jakich radyjostancyjach. I ja dumaju, što heta pieršy krok da papularyzacyi našaj kultury. My nie pavinny zabyvacca na svaju rodnuju movu, śpiavać na joj i razmaŭlać.
U intervju Racyi Alaksiej Chlastoŭ paćvierdziŭ svoj namier udzielničać u trybjucie biełaruskaj rok‑zorki — hurta «Niejra dziubiel». Zaraz, jak žartuje śpiavak, zasiadaje nievialički kansilium tych ludziej, ź jakimi jon pracuje — kab abrać tvor «dziubielej» dla Chlastova. Samomu ž Alaksieju nadta daspadoby pieśnia Alaksandra Kullinkoviča «Pierajechała kambajnam».
‑ Pieśnia prykolnaja i biesšabašnaja.
Darečy, u hit-paradu Tuzinu Hitoŭ pieśnia "Pohlad dziavočy" trapić u nastupnym tury.
Ciapier čytajuć
Minskija ŭłady raskazali, jak buduć zmahacca z «akijanam aŭtamabilaŭ» u dvarach2
Kamientary