Siońnia viečaram u Minsk prybuduć bolš za 200 haściej z Aŭstryi, Vialikabrytanii, Hiermanii, Izraila i Čechii, jakija voźmuć udzieł u miemaryjalnych mierapryjemstvach da 70-hodździa Pieramohi nad fašyzmam «Pamiatajem dziela ahulnajeŭrapiejskaj budučyni», paviedamili ŭ Minskim mižnarodnym adukacyjnym centry (MAC) imia Jochanesa Rau.
Arhanizatarami hetaj pajezdki pamiaci vystupili Dortmundski i Minski MAC, fond «Zachodnie-Uschodnija sustrečy», sajuz «Damy zamiest Čarnobyla», Mižnarodnaje abjadnańnie narodnych univiersitetaŭ, Jevanhieličnyja cerkvy Hiermanii i inšyja.
U miemaryjalnych mierapryjemstvach taksama ŭdzielničajuć svajaki zahinuŭšych u łahiery śmierci Traścianiec, pradstaŭniki dypkorpusu šerahu krain, katalickaj, jevanhieličnaj i pravasłaŭnaj cerkvaŭ, navukovaj supolnaści. Akramia taho, da ŭdziełu zaprošany čynoŭniki MZS Biełarusi, a taksama ŭpaŭnavažany pa pytańniach supracoŭnictva hramadzianskich inicyjatyŭ MZS FRH Hiernat Erler, dyrektar Uschodniaha kamiteta Hiermanskaj ekanomiki Rajner Lindner, deputaty bundestaha Olivier Kačmarak i Rene Reśpiel. Mierapryjemstvy patranuje były premjer-ministr ziamli Brandenburh Macijas Płacek.
Na praciahu piaci dzion zamiežnyja hości razam z pradstaŭnikami biełaruskaj hramadskaści padyskutujuć pra pierśpiektyvy ahulnajeŭrapiejskaj kultury pamiaci, kirunki niamiecka-biełaruskaha supracoŭnictva na ŭzroŭni hramadzianskich inicyjatyŭ i dziaržaŭ, pačujuć ŭspaminy svajakoŭ ludziej, jakija zahinuli ŭ Traściancy.
Tak, 2 maja ŭdzielniki pajezdki zmohuć naviedać miemaryjalny kompleks «Chatyń», pomnik achviaram Chałakostu ŭ Babrujsku, a taksama prajścisia z ekskursijaj pa histaryčnych miaścinach Minska i sustrecca sa śviedkami vajennych padziej u Histaryčnaj majsterni imia Leanida Levina.
Pajezdka ŭ Traścianiec čakaje ŭdzielnikaŭ mierapryjemstva 3 maja. Zatym u minskim chramie Usich Śviatych hości abmiarkujuć šlachi parazumieńnia pamiž niemcami i biełarusami i pasłuchajuć vystupy pradstaŭnikoŭ roznych chryścijanskich cerkvaŭ i jaŭrejskich abščyn.
Dyskusii ab supracoŭnictvie hramadzianskich inicyjatyŭ i dziaržavy ŭ halinie sacyjalnaj pracy sa śviedkami vajennych padziej, pierśpiektyvach ahulnajeŭrapiejskaj kultury pamiaci na asnovie hiermanskaha, polskaha i biełaruskaha vopytu projduć 4 traŭnia.
U zaklučny dzień miemaryjalnaj pajezdki, 5 maja, udzielniki mierapryjemstva padviaduć vyniki i prymuć sumiesnuju zajavu ab Traściancy jak abjekcie ahulnajeŭrapiejskaj pamiaci.
