Biełaruskaja asacyjacyja žurnalistaŭ (BAŽ) apublikavała šort-list finalistaŭ tvorčaha konkursu «Volnaje słova».
Zvyčajna pieramožcy hetaha štohadovaha konkursu BAŽ stanoviacca viadomyja na cyrymonii, jakaja tradycyjna pravodzicca 3 maja — u Suśvietny dzień svabody presy. Ale pakolki sioleta 3 maja vypała na niadzielu, žury konkursu na čale ź Juryjem Karmanavym vyrašyła pieranieści ŭračystaści na 7 maja, a pakul apublikavać šort-list finalistaŭ.
Jak paviedamlaje sajt BAŽ, u šort-list konkursu «Volnaje słova» ŭvajšli:
u naminacyi «Infarmacyjny žanr» — Źmicier Łukašuk («Jeŭraradyjo»), Lidzija Michiejeva («Biełarusskij žurnał»), Źmicier Pankaviec («Naša Niva»), Kirył Chilko («Naša Niva»), Siarhiej Šapran («Novy čas»);
u naminacyi «Analityčnyja žanry» — Andrej Dyńko («Naša Niva»), Sieviaryn Kviatkoŭski («Biełarusskij žurnał»), Maryja Martysievič («Novy čas»), Pavieł Śviardłoŭ (časopis «Tajmier»), Iosif Siaredzič («Narodnaja vola»);
u naminacyi «Mastacka-publicystyčnyja žanry» — Dźmitryj Hałko («Novy čas»), Aleh Hardzijenka («Naša Niva»), Luboŭ Łuniova («Narodnaja vola»), Taćciana Maćviejeva (partał tut.by), Siarhiej Šapran («Novy čas»);
u naminacyi «Debiut» — Arciom Habracevič (Intex-Press, Baranavičy, ciapier pracuje ŭ «NN»), Anastasija Roŭda («Riehionalnaja hazieta», Maładziečna), Raman Stefanienka (multymiedyjny histaryčny prajekt 90s.by), Natalla Tur («Riehionalnaja hazieta», Maładziečna), Volha Šyrakastup (Intex-press, Baranavičy).
u naminacyi «Rasśledavańni» — Rusłan Harbačoŭ (internet-resurs «Salidarnaść», gazetaby.com), Volha Dziekśnis («Komsomolskaja pravda v Biełoruśsii»), Jahor Marcinovič («Naša Niva»), Pavieł Śviardłoŭ («Jeŭraradyjo»), Alena Spasiuk (internet-hazieta BiełaPAN naviny.by).
Pavodle infarmacyi BAŽ, sioleta na konkurs pastupiła bolš jak 200 materyjałaŭ, prysłanych žurnalistami — členami asacyjacyi.
Kamientary