U Biełarusi ŭładalniki sajtaŭ buduć nieści adkaznaść za kamientary karystalnikaŭ
Padrychtavanyja papraŭki va ŭkaz № 60 «Ab mierach pa ŭdaskanaleńni vykarystańnia nacyjanalnaha siehmienta sietki internet», jakija praduhledžvajuć adkaznaść uładalnikaŭ internet-resursaŭ za kamientary karystalnikaŭ. Pra heta paviedamiła ministr infarmacyi Lilija Ananič 4 maja na pres-kanfierencyi ŭ Minsku.
Pavodle jaje słoŭ, papraŭki ŭnosiacca ŭ miežach płana mierapryjemstvaŭ pa pryviadzieńni aktaŭ zakanadaŭstva ŭ adpaviednaść ź dziejnym zakonam ab ŚMI. «Tam jość i inšyja źmianieńni, nieabchodnyja ŭ suviazi z pryniaćciem novaha zakona ab ŚMI», — skazała Ananič.
Pry hetym ministr padkreśliła, što zakon ab ŚMI «nie admianiaje inšaje zakanadaŭstva». «Kali hramadzianin uhledzić, što jaho abraziŭ peŭny aŭtar taho ci inšaha kamientara, i heta budzie ŭstanoŭlena, jon maje prava i ŭ miežach inšaha zakanadaŭstva źviartacca pa abaronu svaich zakonnych pravoŭ i intaresaŭ», — adznačyła jana.
Nahadajem, 1 studzienia 2015 hoda nabyli moc papraŭki ŭ zakon «Ab srodkach masavaj infarmacyi». Adna z hałoŭnych navacyj zaklučajecca ŭ tym, što dziejańnie zakona ab ŚMI, za vyklučeńniem patrabavańniaŭ ab dziaržaŭnaj rehistracyi, raspaŭsiudžvajecca na ŭsie internet-resursy, jakija zaraz niasuć adkaznaść za publikacyi ŭ sietcy naroŭni z aficyjnymi ŚMI.
Paśla pryniaćcia novaha zakona ekśpierty źviartali ŭvahu na nieadpaviednaść normaŭ ukaza № 60 i novaha zakona ab ŚMI, pakolki ŭ adpaviednaści z ukazam adkaznaść za kamientary niasuć asoby, jakija ich apublikavali, a ŭ zakonie hetaja adkaznaść raspaŭsiudžvajecca na sami resursy až da mahčymaści ich błakiroŭki.
Ciapier čytajuć
Łukašenka patłumačyŭ, čamu jaho nie vidać pa sieradach i subotach11
Łukašenka patłumačyŭ, čamu jaho nie vidać pa sieradach i subotach
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary